Éxodo 3:7 - Wanano OT Portions

⁷ To ã yoachʉta, Yawe sehe tirore õ sehe niha: —Yʉhʉ ñʉja yʉ masa, Egiptopʉ jiina ti ñano yʉhdʉchʉ. Tinare ñʉ nʉnʉ, tuaro mehne ti dahra dutichʉ ñano wapʉ tia, ti sañurucuchʉ, tʉhoja yʉhʉ. Masija tuaro ti ñano yʉhdʉare.

Éxodo 3:7 Iomraidhean Croise

Génesis 18:21

à jicʉ tópʉ ñʉsini wahai nija, “¿Potocãta yʉhʉ mehne ñano bʉjʉa buhiri tiina jia tijari tina?” nicʉ. à jicʉ yʉ basi masiihca tinare —ni yahuha tiro Abrahãre.

Éxodo 1:11

To ã nichʉ tʉhoa, egipto masa sehe israe masare ñano cahamaca ti dʉcaha. Ã cahamaca ti dʉcaa, tina israe masare ñʉ nʉnʉ, tuaro mehne dahra dutihtina cjihtire cũha. Tuhsʉ, tinare pʉa maca dahre dutia tiha. Pitõ wama tihti maca cjihto, ã jichʉ Ramesé wama tihti maca cjihto yoa dutia tiha tinare. Tí macari cjihti sehe tí yahpa macaa toaa dichare na cahmachu duti, to wihbo dutihti macari cjihti jiha.

Éxodo 1:8

à yoa payʉ cʉhmari baharo, Egipto yahpare pairo faraõ sãa tiha tjoa. (“Faraõ” nino “pʉhtoro” nino nica egipto masa ya dʉsero mehne) Tiro sehe José cjiro Egipto yahpare noano to yoarire masiera tiha.

Éxodo 5:10

To ã ni yahuchʉ tʉhoa, tina sehe israe masare yahua wahaha. Waha, ti cahapʉ sʉa, faraõ to nirire tinare yahuha. Õ sehe ni yahuha tinare: —Mipʉre faraõ tó pano mʉsare tjare to waroca mʉjano seheta warocaera mʉjahto jiyuhti jʉna.

Éxodo 5:6

à yoa tí dachoihta faraõ sehe ti pʉhtoare, tinare tuaro mehne dahra dutiinare pji cahmachuha. Tuhsʉ, israe masa coyea, tinare sʉho dahra mʉhtaina cʉ̃hʉre pji cahmachuha. Pji cahmachu, tinare õ sehe niha:

Números 20:16

à ñano yʉhdʉna, Yawere yoadohoa sinihi sã. Sã sinichʉ, tiro sehe sãre cʉ̃iro anjore sã cahapʉ warocari jihre. à yoa tiro anjo sãre Egiptopʉ jiinare na wiohre jʉna. à jina sã mipʉre mʉ ya yahpa cahacãi jiri macai Cadese jija” ni, mʉhʉre yahu dutia warocahre sãre.