Éxodo 26:33 - Wanano OT Portions

³³ ‘Ã yoa tí wʉhʉ mohaa cahsari sari pahrẽ sehere, to dohsa wahã sʉri da docacãi tí cahsarore duhu yoroca boro, yʉ ya tahtia waro cjihtore dʉcatajaro tina. Dʉhsari tahtia sehe yʉhʉre dahra cohtaina sahsero ti sãa ta mʉjahti tahtia cjihto jijaro. ‘Ã yoa yʉ mʉsare yoa dutia yʉ joa õa pjĩnine wihbohti caro sehe, ti duhu yoroca boro, dʉcatahti cahsaro baharo bʉhʉsehe sehei, yʉ ya tahtia pahrẽ sehei jijaro tí caro —ni yahu namoha Yawe Moisere.

Éxodo 26:33 Iomraidhean Croise

Éxodo 25:16

‘Ã yoa pʉa pjĩ, tãa pjĩnipʉ mʉsare “Ahrire yoaga” ni, yʉ yahuare joa õihtja yʉhʉ. Tí pjĩni cjihtire tí caro puhichapʉ wihbo sãanahca mʉsa.

Éxodo 26:32

‘Ã yoa comaa plata cjoari, pititia cjoari yʉhʉre dahrebasajaro. Tí cjoari sehe tí wʉhʉ puhichapʉ sari pahrẽ sehe, ti duhu cũ mʉ pahãhti cjoari jijaro. Tí cjoari dacho macai susua cjoari cʉ̃hʉ jijaro. Tí coparipʉ acacia yucʉri botarire duhu sãa dapohti cjihti jijaro. Ã yoa tí botari sehe uru mehne ti dahrea cahsari mehne ti duhu õa botari jijaro. Tí botari sohtoari docacãi pja yawiri, uru mehne ti yoa yawiri cjʉaa botari jijaro. Tuhsʉ, tí yawiripʉ, yʉ cjã tu dutiri cahsarore duhu yoroca borohti yawiri jijaro.

Éxodo 40:21

Biha tuhsʉ, Cohamacʉ ya wʉhʉpʉ na sãa, to jiri tahtiapʉ tí carore wihbo cũha. Wihbo cũ tuhsʉ, cjã turi cahsaro mehne duhu yoroca dijo, tí carore dʉcata dapoha. Ã yoaro, Yawe to dutiro seheta yoaro niha Moise.

Levítico 16:2

à yoa Yawe Moisere õ sehe niha: —Mʉ wahmi Aarõre õ sehe ni yʉhʉre yahubasaga: Yʉ yahu quihõeraa dachorire yʉ ya tahtiapʉre yʉhdʉ sãaeno tjijaro tiro. Yʉhʉ sehe tí tahtiapʉ jiri caro, yʉ mʉsare dutiare yʉ joa õa pjĩnine mʉsa wihbori caro cahapʉ jija. Tí carore bihari pjĩ bui jiri me curuapʉ jija yʉhʉ. Tói yʉ jichʉ, tí tahtia sehe ñaa marieni tahtia waro jira. à jiro yʉ yahu quihõeraa dachorire sãaeno tjijaro tiro. To mʉ sʉro sãano pinihta, yariaa waharohca.