Éxodo 24:4 - Wanano OT Portions

⁴ Ti ã ni yʉhtichʉ tʉhoro, Moise sehe jipihtia Yawe to yoa dutirire joa na, wihboha. Ã yoa pa dacho bohrea caharoi tʉ tʉ̃cʉ dahpotoi cʉ̃ tuhu tãa mehne dahre mʉoha. Tí tuhu sehe wahiquinare wajã, duhu payo, ti jʉ̃ wa mʉohti tuhu cjihto jiha. Tí tuhure dahre mʉo tuhsʉ, tí tuhu cahai bʉjʉa tãa pjĩni, doce pjĩni waro duhu dapoha. Tina cʉ̃ curua macaina jipahta, doce curuari tju wa dapo, jiri curuare tí curuaripere duhu dapobasaro niha Moise.

Éxodo 24:4 Iomraidhean Croise

Génesis 12:7

Tói Yawe sehe Abrãre bajua, õ sehe niha: —Mʉhʉre ji turia dijahtina cjihtire ahri yahpa, Canaã yahpare waihtja —niha. To ã nichʉ tʉhoro, Abrã sehe tãa mehne dahre mʉori tuhu yoa, tirore ño payoha.

Génesis 28:18

à yoa pa nʉmʉre ñami curero wahcã wihiha tiro. Wahcã, tí cuhture quihõ cũno taro, tãca to dapure to ño turia cjirore na wahcõ dapoha. Na wahcõ dapo, “Õ Cohamacʉ jiro jiri jira” ni, ño payoro, tia tãcare olivo se mehne pio sihõ dijoha.

Génesis 28:22

Tuhsʉ, ahri cuhtu, tãcare yʉ na wahcõ dapori cuhtu, “Õ Cohamacʉ jiro jira” ni, yʉ quihõ cũri cuhtu sehe, yʉ mʉhʉre wacũ, wahchehti cuhtu cjihto jirohca. Ã yoa mʉhʉ yʉhʉre waapere, dohse jia paye barore, yʉhʉ cʉ̃hʉ típere mʉhʉre ño payoro mehne mahano, mahano wa mʉjaihtja —niha Jacobo Cohamacʉre.

Éxodo 17:14

à yoa ti cahma wajã yʉhdʉrʉcari baharo, Yawe sehe Moisere õ sehe niha: —Mʉsa yʉ ya curua mehne amalecita masa ti cahma wajãa tari buhiri, yʉ basita tí curuare wajã bonocaihtja. à ni, yʉhʉre Josuére yahubasaga. à yoa mʉhʉ sehe yʉ mʉsare ã ni cũrine joa na, wihboga tíre, mʉsa boerahto noano —niha Yawe Moisere.

Éxodo 17:15

To ã niri baharo, Moise sehe, Cohamacʉre wahche payoro taro, tãa poca mehne cʉ̃ tuhu dahre mʉoha. Dahre mʉo tuhsʉ, tí tuhure õ sehe ni wamoaha: “Yawe jira yʉhʉre cahma wajã yʉhdʉrʉcachʉ yoariro” ni, wamoaha tí tuhure.

Éxodo 24:7

Wajã site sihõ tuhsʉ, Yawe to yoa dutirire joa na, to tju turẽri tiare na, israe masare ni ñoha. To ni ñochʉ tʉhoa, israe masa sehe tirore õ sehe ni yʉhtiha: —Jipihtia Yawe to dutiare yʉhdʉrʉcaro marieno yoanahtja sã —ni yʉhtiha.