Éxodo 24:1 - Wanano OT Portions

¹ Ã yoa Yawe tʉ̃cʉpʉ jiro, õ sehe niha Moisere: —Dijaa, yʉ mʉhʉre yahuare israe masare yahu turiai wahaga. Yahu tuhsʉ, pari turi õpʉ mʉja taga tjoa. Ã mʉja tai, Aarõre, ã jichʉ to pohna Nadabe, Abiú cʉ̃hʉre pji mʉja taga. Tuhsʉ, paina mʉ doca macaina pʉhtoare setenta waro bese, tina cʉ̃hʉre pji mʉja taga. Mʉja wihi, yoa cureropʉ tjuarʉcʉ sʉ, na tuhcua caha sʉ, yʉhʉre ño payoga mʉsa.

Éxodo 24:1 Iomraidhean Croise

Éxodo 1:5

à yoa cʉ̃iro to macʉno José Egipto yahpapʉ ji tuhsʉa tiha. Tina Jacobo pohna, ã jichʉ to panamana jipihtina mehne setenta waro jia tiha.

Éxodo 19:20

Tiro Sinaí sohtoapʉre duji pja tuhsʉriro, Moisere to cahapʉ majare mʉja ta dutiha.

Éxodo 19:24

To ã nipachʉta, Yawe sehe tirore õ sehe niha: —Dijaaga. Baharo Aarõ mehne majare mʉja taga tjoa. Wiho mejeta sacerdotea yʉhʉre dahra cohtaina, ã jichʉ jipihtina paina masa cʉ̃hʉ, mʉ quihõ cũnore yʉhdʉ sãa, mʉja taea tjijaro yʉ cahapʉ. Diina yʉhdʉ sãaina ti jichʉ, tinare wajãihtja —niha.

Éxodo 19:9

To majare mʉja sʉ tuhsʉchʉ, Yawe sehe õ sehe ni namoha Moisere: —Ñichuri curua watoi mʉhʉ mehne durucuihtja mʉ masa yʉ mʉhʉ mehne durucuchʉ ti tʉhohto sehe. Tó seheta yʉ mʉhʉ mehne durucuchʉ tʉhoa, masa mʉhʉre wacũ tuarucuahca —niha. To ã ni tuhsʉchʉ, Moise sehe to masa ti yʉhtirire tirore yahu turiaha.

Éxodo 20:21

à yoa tina sehe yoaropʉ ñʉrocarucuha. Tópʉ ti ducuro wato, Moise cʉ̃irota tʉ̃cʉpʉ mʉjaa, Cohamacʉ to jiri curua ñichuri curua cahacãpʉ sʉha. Resumen: Cohamacʉ cahapʉ to mʉja sʉchʉ, tiro sehe Moisere jipihtia israe masa ti jia tihti cjihtire yahu quihõha. Õpere yahu quihõha Yawe: Tirore ño payoa taa, ti dohse yoahti cjihtire yahu quihõ mʉhtaha. Baharo ti cahamacare dohse yoa ti cjʉahti cjihtire yahu quihõha. Tíre yahu quihõ tuhsʉ, ti basi ti cahmacheri buhiri dohse yoa ti cahnohti cjihtire yahu quihõha. Tíre yahu quihõ tuhsʉ, masa mehne, tuhsʉ, ti wahiquina mehne cʉ̃hʉre wacũenoca soro waha mʉachʉ dohse yoa ti cahnohti cjihti cʉ̃hʉre yahu quihõha. Tíre yahu quihõ tuhsʉ, ahri cʉ̃hʉre yahu quihõha tirore: Cʉ̃iro masʉno pairo yare to yacachʉ, dohse yoa ti cahnohti cjihtire yahu quihõha. Tíre yahu quihõ tuhsʉ, jipihtia paye dohse yoa ti jia tihti cjihti cʉ̃hʉre yahu quihõha Yawe Moisere.

Éxodo 24:15

à ni yahu tuhsʉ, mʉja namoa wahaha jʉna. Ti mʉjarucuro watoi, tʉ sohtoare me curua ji biharʉcʉ sʉa wahaha.

Éxodo 24:2

Mʉsa ño payori baharo, mʉhʉ cʉ̃irota yʉhdʉ mʉja ta, yʉ cahapʉ wihiga. Ã yoa mʉhʉ mehne mʉja tahtina sehe yʉ cahacãpʉ wihiro marieno mʉsa ño payohti cuhtupʉta tjuajaro. Ã yoa paina masa yahpapʉ ducuina cʉ̃hʉ õpʉre mʉja taea tjijaro —ni yahuha Yawe Moisere.

Éxodo 24:9

à ni yahu tuhsʉ, tʉ̃cʉpʉ pari turi mʉjaa wahaha Moise. Tiro mehne Aarõ, Nadabe, Abiú, ã jichʉ Moise doca macaina pʉhtoa setenta cʉ̃hʉ mʉjaha.

Éxodo 28:1

à yoa Yawe Moisere õ sehe ni yahu namoha: —Mʉ wahmi Aarõre, ã jichʉ to pohna Nadabe, Abiú, Eleasa, Itama cʉ̃hʉre pjiga. Tinare pji, yʉhʉre dahra cohtahtina sacerdotea cjihti sõga tinare —niha Yawe Moisere.

Éxodo 3:5

To yʉhtichʉ, Cohamacʉ sehe tirore õ sehe niha: —Tóihta tjuarʉcʉ sʉga. Tjuarʉcʉ sʉ, mʉ dahpo suhtire tjuwega. Yʉhʉ õi jichʉ, ahri yahpa noari yahpa jiro nina —niha. Ã ni tuhsʉ, õ sehe ni namoha:

Éxodo 34:2

Tuhsʉ, mʉ yare cahnoyu mʉhtaga ñamichaca bohrearocã ahdʉ tʉ̃cʉ, Sinaí sohtoa waropʉ yʉ cahai mʉ mʉja tahto sehe —niha Moisere. Resumen: Ã yoa Moise Cohamacʉ mehne tʉ̃cʉ sohtoapʉ sʉhʉduro sʉriro cjiro dija taha. Cohamacʉ to dutiare tiro Moise to basi tãa pjĩnipʉ to joa narire na dija taro niha. Na dija wihi, to masare tí jipihtiare ni ño, yahu turiaha Moise. Tíre yahu tuhsʉ, Cohamacʉ to ya wʉhʉ macaa cjihtire ti na cahmachuhti macaa cʉ̃hʉre yahu turiaha. Tí macaare yahuro, õ sehe ni yahu turiaha Moise tinare: —Yawe yʉhʉre õ sehe ni mʉsare yahu dutihre. To ya wʉhʉ cjihtore tirore yoabasahtina jiyuhca mʉsa. Ã jina noa tí wʉhʉre yoahti cjihtire wa duaina ji coaro mehne na cahmachuhtina jiyuhca mʉsa. Na cahmachu, to niriro seheta tí wʉhʉre yoahtina jiyuhca mʉsa —ni yahu turiaha Moise to masare. To ã ni yahuchʉ tʉhoa, tina israe masa sehe pjíro wahcheha. Ã wahchea, õ sehe ni yʉhtiha tina tirore: —Jai. Ãta yoanahtja sã. To niriro seheta tí wʉhʉre yoanahtja —ni wahchero mehne yʉhtiha tina. Baharo jipihtia tí wʉhʉre ti yoahti cjihtire na cahmachuha. Ã na cahmachua, payʉ waro na cahmachuha tina. Ti ã payʉ waro na cahmachuchʉ ñʉno, Moise sehe tinare tó purota na cahmachu dutiha. Ã yoa tina tí wʉhʉ macaa cjihtire yoa dʉcaa tiha jʉna. Tíre tinare sʉho dahra mʉhtariro sehe Cohamacʉ to beseriro Besale jia tiha. Cohamacʉ to basi to beseriro jiyuchʉ, tina israe masa cʉ̃hʉ tiro mehne ji coaro dahraa tiha. Ã jiro ti dahraa cʉ̃hʉ tinare quihõno wahaa tiha.