Éxodo 2:23 - Wanano OT Portions

²³ Ã yoa payʉ cʉhmari baharo, Egipto macariro faraõ sehe yariaa wahaha jʉna. To yariari baharo jipachʉta, israe masa sehe mʉnanota ñano ti dutipeina jisinia tiha. Ã jia õ sehe ni sañurucu mʉjaa tiha: “Ñano yʉhdʉna nija mari. Ne dohse yoa yʉhdʉ witi masieraca ahrire” ni, sañurucu mʉjaa tiha. Ti ã ni sañurucuare tʉhoha Cohamacʉ.

Éxodo 2:23 Iomraidhean Croise

Génesis 4:10

To ã nichʉ tʉhoro, tiro sehe õ sehe niha: —¿Dohse yoacʉ tacʉ mʉ bahʉre wajãri mʉhʉ? Ñʉhi yʉhʉ mʉ bahʉ di mʉ cohãchʉ. To di “Yʉhʉre wajãrirore buhiri dahrebasaga” ni, sañurucuro yoaro sehe coa taca yʉhʉre.

Éxodo 1:14

Dihta sohãare na duti, tíre tʉ sahba duti, tí mehne dihta cjoari dahre duti, tí cjoari mehne wʉhʉseri dahre dutia tiha tinare. Ã yoa toaa ti toahti weseri cʉ̃hʉre tuaro dahra duti, pja ñʉno marieno dahra dutia tiha. Ã yoaa, israe masare ti catisinino puro tuaro wapʉ ti, purĩno tʉhotuchʉ yoaa tiha tina.

Éxodo 4:19

à yoa Moise Madiã yahpai to jisinichʉta, Yawe tirore õ sehe niha tjoa: —Egipto yahpapʉ waha masina mʉhʉ. Mʉhʉre wajã duamarina cjiri yaria pihtia wahahre —niha.

Éxodo 6:5

à yoa mipʉre tina cjiri panamana mʉ coyea israe masare Egipto yahpa macaina sehe tuaro dahra dutipea nina. Ti dutipechʉ, ñano yʉhdʉa, dachoripe ti sañurucu mʉjachʉ tʉhoja yʉhʉ. à tʉhoi, mʉsa ñʉchʉsʉma cjirire yʉ nirire wacũja.

Éxodo 7:7

Moise sehe faraõ mehne to durucuro sʉri pjare ochenta cʉhmari cjʉaa tiha. Ã yoa to wahmino Aarõ cʉ̃hʉ ochenta y tres cʉhmari cjʉaa tiha.

Números 20:16

à ñano yʉhdʉna, Yawere yoadohoa sinihi sã. Sã sinichʉ, tiro sehe sãre cʉ̃iro anjore sã cahapʉ warocari jihre. à yoa tiro anjo sãre Egiptopʉ jiinare na wiohre jʉna. à jina sã mipʉre mʉ ya yahpa cahacãi jiri macai Cadese jija” ni, mʉhʉre yahu dutia warocahre sãre.