Éxodo 2:21 - Wanano OT Portions

²¹ Ã yoa ti chʉ tuhsʉri baharo, tiro Jetro sehe Moisere to ya wʉhʉi carĩ dutiha. Baharo, tirore to cahai ji waroa dutiha jʉna. To ji dutichʉ tʉhoro, Moise sehe to cahai jiha jʉna. Baharo tirore cʉ̃coro to macono Séfora wama tiricorore namo dahreha.

Éxodo 2:21 Iomraidhean Croise

Éxodo 2:10

Pʉ bʉcʉrocã cure to wahachʉ ñʉ, faraõ maconore wiaro wahaha. To wiachʉ, faraõ macono sehe nijinocã pocoro waro yoaro sehe tjuaha jʉna. Ã yoa õ sehe niha ticoro: —Ahrirocã diapʉ yʉ bocarirocã jihre. Ã jico “Moise” ni, wama pisucohtja tirocãre —niha.

Éxodo 2:20

Ti ã nichʉ tʉhoro, ti pʉcʉro sehe õ sehe niha: —¿Nohoi jiri tiro? ¿Dohse yoana tirore pji taerari mʉsa? ¡Pjina wahaga, mari mehne to chʉro tahto sehe! —niha. To ã nichʉ tʉhoa, to pohna numia sehe tirore pjia wahaha. Pjia sʉrina, ti tju wihichʉ, tina jipihtina tirore sʉho chʉha.

Éxodo 3:1

à yoa tiro Moise sehe to marechʉno Jetro nuina ovejaare ã jichʉ cabraare ñʉ wihbo cohtariro jia tiha. Cʉ̃ nʉmʉ tiro wahiquinare tjare ti chʉchʉ cohta tinino waharo, tinare wʉari dʉjʉropʉ naaha. Naa, yoaro waha, sʉropʉ cʉ̃dʉ tʉ̃cʉ Sinaí wama tidʉ cahapʉ tinare na sʉha. Tʉ tʉ̃cʉ sehe, “Ahdʉ Cohamacʉ to bajua mʉjadʉ jira” ni, cua pisaro mehne ti ñʉdʉ jiha.

Éxodo 4:18

Yawe to ã niri baharo, Moise sehe wahiquinare pji cahmachu, tina mehne majare tjuaa wahaha jʉna. Tjuaa sʉ, to marechʉno Jetrore õ sehe ni sinitu ñʉha: —Egiptopʉ yʉ coyeare ñʉi waha duamaca yʉhʉ. “¿Tina catisinijari?” ni, ñʉi waha duai nimaja. ¿Noabocari, mʉ tʉhotuchʉ? —ni sinitu ñʉha Moise. To ã ni sinitu ñʉchʉ, to marechʉno sehe õ sehe ni yʉhtiha: —Jai. Noanohca. Ñʉi wahaga —ni yʉhtiha.