Éxodo 2:11 - Wanano OT Portions

¹¹ Ã yoa Moise wahmʉa tuhsʉriropʉ jiha. Cʉ̃ nʉmʉ tiro to coyeare ti dahraapʉ ñʉ tinino wahaha. Ã ñʉ tinino, tuaro mehne tinare ti dahra dutipechʉ ñʉha tiro. Ã yoa cʉ̃iro to coyeirore egipto masʉno sehe ñano to cjãchʉ, ñʉha.

Éxodo 2:11 Iomraidhean Croise

Éxodo 1:11

To ã nichʉ tʉhoa, egipto masa sehe israe masare ñano cahamaca ti dʉcaha. Ã cahamaca ti dʉcaa, tina israe masare ñʉ nʉnʉ, tuaro mehne dahra dutihtina cjihtire cũha. Tuhsʉ, tinare pʉa maca dahre dutia tiha. Pitõ wama tihti maca cjihto, ã jichʉ Ramesé wama tihti maca cjihto yoa dutia tiha tinare. Tí macari cjihti sehe tí yahpa macaa toaa dichare na cahmachu duti, to wihbo dutihti macari cjihti jiha.

Éxodo 3:7

To ã yoachʉta, Yawe sehe tirore õ sehe niha: —Yʉhʉ ñʉja yʉ masa, Egiptopʉ jiina ti ñano yʉhdʉchʉ. Tinare ñʉ nʉnʉ, tuaro mehne ti dahra dutichʉ ñano wapʉ tia, ti sañurucuchʉ, tʉhoja yʉhʉ. Masija tuaro ti ñano yʉhdʉare.

Éxodo 5:14

Ti bihoerachʉ ñʉa, ti pʉhtoa tinare tuaro mehne dahra dutiina sehe israe masa coyea, tinare sʉho dahra mʉhtaina sehere tjana mʉjaa tiha. Ã tjanaa, tinare õ sehe ni tuhti mʉjaa tiha: —Cjero dihta sohãa cjoarire tó pano mʉsa yoari cjiripeta yoaga tjoa —ni tuhtipe mʉjaa tiha tinare.

Éxodo 5:4

Ti ã nichʉ tʉhoro, faraõ sehe tinare tuaro mehne õ sehe niha: —¿Dohseana tana mʉsa coyea noano ti dahra jinocanore dojomehnena tajari mʉsa? Ti dahraa mehne noano dahra jinocaa nina tina. Tí cjihtita ahri yahpapʉre payʉ masa puti jira tina. Ã jina mʉsa sehe tinare noano ti dahra jinocanore cariboena tjiga. ¡Ti dahraropʉta tinare sʉho na tjuaaga tjoa! Tinare wa wiosi yʉhʉ —niha faraõ.

Éxodo 6:6

à jicʉ mʉhʉ sehe mʉ coyea israe masare õ sehe ni yʉhʉre yahubasai wahaga: “‘Yʉhʉ jija à Catirucuriro. Yʉ nirire, cohtotaro marieno, sohtori ti mʉjariro jija yʉhʉ. à jicʉ Yawe wama tija. Mipʉre Yawe yʉ jia tiare tina sehere masichʉ yoai tai nija jʉna. à jicʉ ti ñʉchʉsʉma cjirire yʉ nirire tina sehere sohtori tii tai nija. Israe masa curuare Egipto yahpa macaina ti ñano dahra dutiperi curuare naroca wioi tai nija. Yʉ naroca wiohto pano, egipto masa sehere tuaro buhiri dahresinihtja. Tinare tuaro buhiri dahre, yʉ tuaa tiare tinare yʉ ñori baharo, israe masa sehere naroca wioihtja.

Éxodo 6:7

à naroca wioi, yʉ ya curua jichʉ yoaihtja tinare. Egipto masa ti ñano dahra dutipeinare tó sehe yoa, yʉ na wiori baharo, tina yʉhʉre masiahca jʉna. à masia, ‘Potocã tjira. Yawe mari Cohamacʉta jiri jira’ ni, masiahca tina yʉhʉre. à jicʉ yʉhʉ sehe ti Cohamacʉ jiihca jʉna.