Éxodo 19:8 - Wanano OT Portions

⁸ Moise doca macaina pʉhtoa cʉ̃hʉ tíre israe masare yahu turiaha. Israe masa cʉ̃hʉ ti yahu turiachʉ tʉhoa, tinare õ sehe ni yʉhtiha: —To dutia jipihti yoanahca —ni, cʉ̃no potori yʉhti pihtiha. Ti ã ni yʉhtiri baharo, Moise sehe tʉ̃cʉpʉ majare mʉjaa, ti yʉhtirire yahu turiaro waharo niha Yawere.

Éxodo 19:8 Iomraidhean Croise

Éxodo 20:19

Tópʉ ducua, tuaro cuiro mehne õ sehe niha tina Moisere: —Mʉhʉ cʉ̃irota Cohamacʉ to yahuare tʉho, sãpʉre yahu turia mʉjaga. Cohamacʉ to durucuare tʉho, cuina, yariaa waha duaca sã —niha tina.

Éxodo 24:3

To ã ni yahuchʉ tʉhoro, Moise sehe to coyea cahapʉ dijaa, jipihtia Yawe to yoa dutirire tinare yahu turiaha. To yahuchʉ tʉhoa, israe masa sehe õ sehe ni yʉhtiha tirore: —Jipihtia Yawe to yoa dutiare yoanahtja sã —ni yʉhtiha.

Éxodo 24:7

Wajã site sihõ tuhsʉ, Yawe to yoa dutirire joa na, to tju turẽri tiare na, israe masare ni ñoha. To ni ñochʉ tʉhoa, israe masa sehe tirore õ sehe ni yʉhtiha: —Jipihtia Yawe to dutiare yʉhdʉrʉcaro marieno yoanahtja sã —ni yʉhtiha.

Éxodo 4:31

à yoa tina israe masa sehe Aarõ to yahuare tʉhoa, tuhsʉ, Moise to yoa ñoare ñʉa, tinare potocã tʉhoha. à potocã tʉhoa: —Ahrina Cohamacʉ to warocarinata jiri jira —niha tina. à nia, ti basi õ sehe ni durucuha: —Yawe õpʉ mari ñano wapʉ ti jiare masiyuhca. à masino, tiro marine yoadohoro taro niyuhca —niha. à niata, na tuhcua caha sʉ, Cohamacʉre ño payoha tina.