Éxodo 19:5 - Wanano OT Portions

⁵ Tíre masina, yʉ mʉsare dutihti cjihtire quihõno yoa, yʉhʉre yʉhdʉrʉcaena tjiga. Ã yʉhdʉrʉcaerana, yʉ yaina cjihti jinahca. Jipihti masa curuari macaina yʉ bajuamehneina dihta jira. Ã jicʉ yʉhʉ mʉsa ya curua sehere beseihtja mʉsa yʉ dutihtire mʉsa quihõno yoachʉ.

Éxodo 19:5 Iomraidhean Croise

Génesis 17:9

à ni tuhsʉ, õ sehe ni namoha: —Tí jira yʉ yoahti. à yoa mʉhʉ, ã jichʉ mʉ panamana ji turiahtina cʉ̃hʉ boro marieno ã ti yoa turia wahcãrucuhto õ sehe jirohca.

Éxodo 15:26

—Yʉhʉ jija Yawe mʉsa Cohamacʉ. Mʉsare yʉ yahuare noano tʉho, tíre ñaha, yʉ nino seheta jia tiga mʉsa. Tuhsʉ, yʉ dutiare yʉhdʉrʉcaro marieno cjʉaga mʉsa. Yʉ nino seheta mʉsa jia tichʉ ñʉcʉ, egipto masare yʉ buhiri dahrea dohatia baro mehne buhiri dahresi mʉsare. Mʉsa dohatichʉ, yʉhʉta jija mʉsare yʉhdʉchʉ yoariro —niha tinare.

Éxodo 24:7

Wajã site sihõ tuhsʉ, Yawe to yoa dutirire joa na, to tju turẽri tiare na, israe masare ni ñoha. To ni ñochʉ tʉhoa, israe masa sehe tirore õ sehe ni yʉhtiha: —Jipihtia Yawe to dutiare yʉhdʉrʉcaro marieno yoanahtja sã —ni yʉhtiha.

Éxodo 6:7

à naroca wioi, yʉ ya curua jichʉ yoaihtja tinare. Egipto masa ti ñano dahra dutipeinare tó sehe yoa, yʉ na wiori baharo, tina yʉhʉre masiahca jʉna. à masia, ‘Potocã tjira. Yawe mari Cohamacʉta jiri jira’ ni, masiahca tina yʉhʉre. à jicʉ yʉhʉ sehe ti Cohamacʉ jiihca jʉna.

Éxodo 8:22

Tinare ã waharo watoi yʉ ya curua ti jiri si, Gosẽ wama tiri si sehere soro cũihtja. Tó sehere ne cʉ̃iro nunanairo marienohca. Ã wahachʉ ñʉnopʉ, ‘Potocãta Yawe jira yʉ ya yahpare ã wahachʉ yoariro’ ni, masinohca tiro yʉhʉre.

Éxodo 9:29

To ã nichʉ tʉhoro, õ sehe ni yʉhtiha Moise: —Jai. Ahri maca dʉhtʉ cahai sʉita, yʉ wamomacarine mʉanopʉ naroca mʉo, Yawere siniihtja. Yʉ tirore sinichʉta, wʉpo pjaa duhu mʉa waharohca. Ã yoa co bʉtiapoca chori cʉ̃hʉ bora duhua wahaahca. Ã waharo mehne Yawe sehe mʉhʉre ñono ninohca. “Ahri dacho, yʉ jiri dacho, potocãta Yawe ya dachota jiri jira” ni, mʉ masihtore ñono ninohca tiro mʉhʉre.