Éxodo 19:24 - Wanano OT Portions

²⁴ To ã nipachʉta, Yawe sehe tirore õ sehe niha: —Dijaaga. Baharo Aarõ mehne majare mʉja taga tjoa. Wiho mejeta sacerdotea yʉhʉre dahra cohtaina, ã jichʉ jipihtina paina masa cʉ̃hʉ, mʉ quihõ cũnore yʉhdʉ sãa, mʉja taea tjijaro yʉ cahapʉ. Diina yʉhdʉ sãaina ti jichʉ, tinare wajãihtja —niha.

Éxodo 19:24 Iomraidhean Croise

Éxodo 19:12

Yʉhʉ duji pja sʉhto pano, tʉ dahpoto sʉro caharoi mʉhʉ sehe quihõ cũga, masa ti yʉhdʉ sãaerahto sehe. Quihõ cũ tuhsʉ, tinare õ sehe ni yahuga: “Tʉhotunohma mʉsa. Ahdʉ tʉ̃cʉre ne mʉjaena tjiga. Ne ahdʉ dahpoto cahapʉ cʉ̃hʉre tjuhaena tjiga. Dohse jiina masa, ã jichʉ wahiquina cʉ̃hʉ, Yawe to quihõ cũ dutirore ti yʉhdʉ sãachʉ, wajãnocaga tinare.

Éxodo 19:25

To ã nichʉ tʉhoro, Moise sehe dijaa waha, tina israe masare yahu turiaha, Yawe to yahu dutiare.

Éxodo 24:1

à yoa Yawe tʉ̃cʉpʉ jiro, õ sehe niha Moisere: —Dijaa, yʉ mʉhʉre yahuare israe masare yahu turiai wahaga. Yahu tuhsʉ, pari turi õpʉ mʉja taga tjoa. à mʉja tai, Aarõre, ã jichʉ to pohna Nadabe, Abiú cʉ̃hʉre pji mʉja taga. Tuhsʉ, paina mʉ doca macaina pʉhtoare setenta waro bese, tina cʉ̃hʉre pji mʉja taga. Mʉja wihi, yoa cureropʉ tjuarʉcʉ sʉ, na tuhcua caha sʉ, yʉhʉre ño payoga mʉsa.

Éxodo 24:9

à ni yahu tuhsʉ, tʉ̃cʉpʉ pari turi mʉjaa wahaha Moise. Tiro mehne Aarõ, Nadabe, Abiú, ã jichʉ Moise doca macaina pʉhtoa setenta cʉ̃hʉ mʉjaha.