Éxodo 16:25 - Wanano OT Portions

²⁵ Ã yoa tí dacho, ti sori dachoi Moise tinare õ sehe ni yahuha tjoa: —Micha Yawe marine so duti to cũri dacho jira. Tuhsʉ, tirore ño payo duti, to cũri dacho jira. Ã jina michare chʉare saana wahaena tjiga. Saana wahana cʉ̃hʉ, bocasi mʉsa. Ã jina mʉsa dʉhari dihtare chʉga michare.

Éxodo 16:25 Iomraidhean Croise

Éxodo 16:23

Ti sinitu ñʉchʉ tʉhoro, Moise sehe õ sehe ni yʉhtiha tinare: —Ñamichaca marine Yawe so duti, to cũri dacho jiro nina. Tuhsʉ, tirore ño payo duti, marine to cũri dacho cʉ̃hʉ jiro nina. Ã jia mari coyea sehe quihõno yoaa nina. Tiro Yawe marine õ sehe ni yahu tuhsʉhre: “Somanaripe seis dachori waharoi pʉa dacho ti chʉhti cjihtire saa mʉjajaro tina. Tíre saa tuhsʉ, tí dachoihta, pa dachopʉ ti chʉhti cʉ̃hʉre chʉa dahreyu bahrañojaro. Noa cataropʉ pʉhõ duaina pʉhõjaro. Ã yoa noa doha duaina cʉ̃hʉ dohajaro. Tíre tuhsʉ, chʉjaro tina. Ã yoa ti sori nʉmʉpʉ ti chʉhti cjihti cʉ̃hʉre soro dʉhajaro” ni, yahu tuhsʉre Yawe marine. Ã jia mari coyea quihõno yoaa nina —ni, yʉhtiha Moise tinare.

Éxodo 16:24

à yoa israe masa sehe to niriro seheta yoaha jʉna. Chʉare pa dachopʉ ti chʉhti cjihtire dʉhaha. à yoa ti dʉhari sehe pa dachopʉre ti ñʉchʉ, noaa jiha. Ne dachoa mariea ji, tuhsʉ, ne ʉrĩeraa jiha.

Éxodo 16:26

à yoa mipʉre cʉ̃ somanare seis dachori jiahca chʉare mʉsa saa cahmachu mʉjahti dachori. Siete dachori waharo pinihtare chʉa coã mʉjasi. Tí dacho mʉsa so mʉjahti dacho jiro ninohca. à jiro michata jira tí dacho, mʉsa so mʉjahti dacho —ni yahuha Moise tinare.

Éxodo 16:29

Yʉ nirire wacũga mʉsa. Yʉhʉ Yawe sehe somanaripere siete dachori waharoi mʉsa sohti dacho cjihto cũ tuhsʉhi. Ã jina tí dacho sʉchʉ, so mʉjanahca mʉsa. Tuhsʉ, tí dacho, mʉsa sohti dachoi mʉsa chʉhti cjihti cʉ̃hʉre tí dacho panocã waihca, ni tuhsʉi mʉsare. Ã jina mʉsa sori dachore mʉsa dʉharire chʉ, mʉsa ya wʉhʉsepʉ jinocaga —niha Yawe Moisere.