Éxodo 16:2 - Wanano OT Portions

² Tí dʉjʉropʉ ñano yʉhdʉa tiha israe masa. Ã jia tina jipihtina Moisere ã jichʉ Aarõre ñano ni durucu cohta dʉcaa tiha.

Éxodo 16:2 Iomraidhean Croise

Génesis 19:4

Ti carĩa wahaerasinichʉta, jipihtina mʉa Sodoma macaina sehe ti jiri wʉhʉre cahmachu, soroarʉcʉ sʉha. Wahma yapia, ã jichʉ bʉcʉna ne cʉ̃iro dʉhsaro baro marieno jiha.

Éxodo 14:11

à tuaro sinipahta, Moise sehere õ sehe ni tuhtiha: —¿Dohse jiro baro mʉhʉ sãre õ sehe yoari? Õpʉ wʉari dʉjʉro, yucʉri marieri dʉjʉropʉ sãre na ta yariachʉ yoaeraboa mʉhʉ. ¿Mʉ ñʉchʉ, Egiptopʉre sãre yaboro mariari? ¿Dohse yoai tai sãre, Egiptopʉ jiinare na tari mʉhʉ?

Éxodo 15:24

Tóre ti sihniboa co mariachʉ ñʉa, Moise to masa curua sehe to tʉhoeraroi tirore ñano ni, durucu cohtaa tiha. To tʉhoro cʉ̃hʉre tirore õ sehe ni tuhti, sañurucua tiha: —Cjero sãre sã sihnihti core na tabasaga —ni tuhti, sañurucua tiha.

Éxodo 17:3

To ã nipachʉta, tina sehe ne tjueraha. Ñano ñahma yapioro tʉhotua niha tina. Ã jia Moisere ñano ni durucu cohta dʉcaa tiha. Baharo to tʉhoroi tirore õ sehe niha tjoa: —¿Dohse yoai tai sãre Egipto yahpapʉ jiinare na tari mʉhʉ? ¿Sã jipihtinare sã wahiquina mehnepʉta ñahma yapioro mehne yaria pihtia wahachʉ yoa duai, õpʉ na tari mʉhʉ sãre? —niha tina.

Éxodo 5:21

à piti bocaa, õ sehe ni tuhtiha tinare: —Sãre õ sehe ñano yʉhdʉchʉ yoana tana, mʉsata wahmanore õpʉ ta, “Sã coyeare wa wioga” ni, dojomehne dʉcahre. à nina, faraõ sehere to doca macaina pʉhtoa mehne sãre ti ñʉ yabi dʉcachʉ yoahre mʉsa. “Ahrina ñainare tuaro dutipe, wajã pahñonocajihna mari” ni, sã sehere ti ñʉ tuhti dʉcachʉ yoahre mʉsa. Sãre mʉsa ã ñʉ tuhtichʉ yoari buhiri, Yawe sehe tíre ñʉno, mʉsare buhiri dahrejaro —ni tuhtiha tinare.

Números 14:22

Ne cʉ̃iro yʉhʉre yʉhdʉrʉcariro cjiro tinare yʉ wabori yahpapʉre sãasi. Tina sehe yʉ tina mehne jichʉ, yʉ si siteare ñʉmahre. Ã yoa Egipto yahpapʉre, tuhsʉ, wʉari dʉjʉropʉ cʉ̃hʉre ti yoa bihoeraare yʉ yoa ñochʉ cʉ̃hʉre ñʉmahre tina. Ã ñʉpahta, yʉhʉre masieraina yoaro sehe yʉhdʉrʉca, diez tahari waro tuaro mehne ti cahmaare yʉhʉre sinihre. Ti ã yoari buhiri ti ñʉchʉsʉma cjiripʉre cua pisaro mehne, “Waihtja mʉsare” yʉ niri yahpapʉre ne sãasi tina.