Éxodo 16:12 - Wanano OT Portions

¹² —Tʉhoi yʉhʉ israe masa yʉhʉre ti ñano durucu cohtachʉ. Ã jicʉ tinare õ sehe ni yahubasaga yʉhʉre: “‘Micha ñamichaha nahi cahachʉ waro wahiquina dihire chʉahca tina. Ã yoa pa nʉmʉ bohrea caharocã sehere paye chʉare chʉahca. Ti chʉ duaro puro chʉahca tina. Yʉ ã yoachʉ ñʉa, masiahca tina yʉhʉre. “Yaweta jiri jira mari Cohamacʉ waro” ni, masiahca tina’ ni, yahurocahre mʉsare Yawe” ni, yahubasaga yʉhʉre —niha Yawe Moisere.

Éxodo 16:12 Iomraidhean Croise

Éxodo 12:6

‘Ã yoa tina wahiquina ti beserinare nu, ñʉ wihbosinijaro te ahri sʉ̃ wahma sʉ̃re catorce dachori sʉchʉpʉ. Ã yoa jipihtina israe masa tí dachore, tina wahiquinare wajãjaro, ñamichaha waro.

Éxodo 16:11

à si site mʉano, Yawe õ sehe ni yahuha Moisere:

Éxodo 4:5

Tó sehe yoa duti, Moisere yoa ñoha Yawe. Yoa ño tuhsʉ, õ sehe niha tirore: —Yʉ mʉhʉre yoa ñono cjiro seheta israe masa cʉ̃hʉre yoa ñoga. Mʉ yoa ñochʉ ñʉa, “Potocãta jiri jira. Mari ñʉchʉsʉma cʉ̃hʉ cjiri Abrahã, Isaa, Jacobo cʉ̃hʉ cjiri ti ño payoriro Cohamacʉ Yawe bajuarota niri jira mʉhʉre” ni, potocã tʉhoahca tina —niha.

Éxodo 6:7

à naroca wioi, yʉ ya curua jichʉ yoaihtja tinare. Egipto masa ti ñano dahra dutipeinare tó sehe yoa, yʉ na wiori baharo, tina yʉhʉre masiahca jʉna. à masia, ‘Potocã tjira. Yawe mari Cohamacʉta jiri jira’ ni, masiahca tina yʉhʉre. à jicʉ yʉhʉ sehe ti Cohamacʉ jiihca jʉna.

Éxodo 7:17

à jicʉ õ sehe ni yʉhʉre yahubasa namoga tirore: “Ahri pjai yʉhʉre pari turi to yʉhtierachʉ, yʉhʉ sehe tirore buhiri dahreihtja jʉna. Yʉ ã buhiri dahrei tachʉ, Aarõ sehe to tjuadʉ mehne tí mai cjãrocaporohca. To ã cjãrocapochʉta, tí ma sehe yʉ basi yʉ cjãrocapoboro seheta, di ma dihta waha mʉa waharohca. à wahachʉ, tí ma macaina wahi cʉ̃hʉ jipihtina yaria pihtia wahaahca. à yariaa, ñano ti ʉ̃richʉ, egipto masa tí core yabia, ne sihni namosi. Yʉ ã yoa, buhiri dahrechʉ ñʉnopʉ, tiro sehe Yawe yʉ jia tiare masinohca jʉna” ni, yʉhʉre yahubasai wahaga tirore —niha Yawe Moisere.

Números 14:27

—Ahrina israe masa ñaina, yʉhʉre ñano ni, ti durucu mʉjaa mehne pome yʉhdʉa wahaca yʉhʉ. Michapucacã yʉhʉre ti ñano ni durucua cʉ̃hʉre tʉhohi yʉhʉ.