Éxodo 15:13 - Wanano OT Portions

¹³ Mʉhʉ sãre ã cahĩrucura. Ã jicʉ sã mʉ yʉhdorinare noano sʉho mʉ tãrucura mʉhʉ. Tuhsʉ, tuariro mʉ ji yʉhdʉrʉcʉ sʉa tia mehne sãre mʉ besebasari yahpapʉ naai nina mʉhʉ. Tí yahpapʉ mʉhʉ sehe noariro mʉ jia tia mehne sãre sʉho jiihca.

Éxodo 15:13 Iomraidhean Croise

Génesis 19:16

Ti ã ni yahupachʉta, tiro sehe ne soaeraha. To ã soaerapachʉta, “Ahriro Yawe pja ñʉriro jira” nia, tina anjoa, Lotere, ã jichʉ to namono, ã yoa to pohna numia cʉ̃hʉre jipihtiro tinare ti wamomacaripʉ ñaha, ño duaro mehne tʉã mʉ wahcãa wahaha. Ti yariaerahto sehe tí macai jiinare tó sehe yoa, na wioha tina.

Éxodo 15:16

Wacũenoca tinare cuaro pja sʉchʉ, cʉa yʉhdʉa wahaahca tina. Yawe, tua yʉhdʉrʉcʉ sʉriro mʉ jia tia quitire tʉho cʉa waha, ne dohse yoa masisi tina. Ti ã wahachʉ, sã, mʉ wiorina, tuhsʉ, mʉ yaina wahachʉ mʉ yoarina sehe ti ya yahpari cahai yʉhdʉ wahcãnahca. Sã ã yʉhdʉ wahcãchʉ, tina sehe tãca mʉnánoi to coãno yoaro seheta sãre ne soro yoasi.

Éxodo 15:17

Ti ã waharo wato, mʉhʉ sehe mʉ beseri tʉ̃cʉpʉ sãre naa sʉihca. Tʉre besecʉ, mʉhʉ sehe õ sehe ni tʉhotuhre: “Ahdʉ tʉ̃cʉpʉ yʉhʉre ti ño payoa tachʉ, cahmaja yʉhʉ. Yʉhʉ cʉ̃hʉ tina mehne tʉpʉ jiihca” ni, tʉhotuhre mʉhʉ. Ã jicʉ tʉpʉ sã cʉ̃hʉre noano jinocachʉ yoaihca mʉhʉ.

Éxodo 20:2

—Yʉhʉ jija Yawe mʉsa Cohamacʉ. Yʉhʉ jihi mʉsare, egipto masa cahamaca jirinare na wioriro.

Éxodo 6:6

à jicʉ mʉhʉ sehe mʉ coyea israe masare õ sehe ni yʉhʉre yahubasai wahaga: “‘Yʉhʉ jija à Catirucuriro. Yʉ nirire, cohtotaro marieno, sohtori ti mʉjariro jija yʉhʉ. à jicʉ Yawe wama tija. Mipʉre Yawe yʉ jia tiare tina sehere masichʉ yoai tai nija jʉna. à jicʉ ti ñʉchʉsʉma cjirire yʉ nirire tina sehere sohtori tii tai nija. Israe masa curuare Egipto yahpa macaina ti ñano dahra dutiperi curuare naroca wioi tai nija. Yʉ naroca wiohto pano, egipto masa sehere tuaro buhiri dahresinihtja. Tinare tuaro buhiri dahre, yʉ tuaa tiare tinare yʉ ñori baharo, israe masa sehere naroca wioihtja.