Éxodo 14:21 - Wanano OT Portions

²¹ Tinare ti mʉ sʉ masieraro wato, Moise sehe to tjuadʉre na mʉo, cjã yoroca pohõha Sohãri ma bui Yawe to dutiriro seheta. To ã yoachʉ, Yawe sehe sʉ̃ mʉja taro sehe ñami puro wihnono tuaro wã turucuchʉ yoaha. To ã wã turucuchʉ yoaro mehne, tí ma, pjiri ma macaa co sehe suru sʉrʉcʉ sʉa waha, tí ma caha sʉro cʉ̃hʉre wʉa sã caha sʉchʉ yoaha.

Éxodo 14:21 Iomraidhean Croise

Génesis 8:1

Cohamacʉ Noé cʉ̃hʉre, ã jichʉ jipihtina wahiquina, tia dohoriapʉ samurina jipihtinare wacũha. Tó seheta wacũ, tiro wihnonore wã tu dʉcachʉ yoaha tí co wʉrʉ buire. Tuhsʉ, ahri yahpai co tʉhnʉ wija mʉja ta wahsari cjirire wijaa duhuchʉ yoaha. Mʉanopʉ pjíro coro tʉhnʉ boraro yoaro sehe tamariro cʉ̃hʉre ta duhuchʉ yoaha. To ã yoachʉ, tí co wʉrʉ sehe witi dija dʉcaha. Witi dija dʉca, ã witirucuha jʉna. Ã yoa tó sehe miniri cʉhmare seis sʉ̃ri pihti, pa sʉ̃ diecisiete dachori ñaha wahcãnoi, ciento cincuenta dachori mini dʉcari baharo, tia dohoria tʉ̃cʉ, Arara wama tiri yahpai jidʉ bui witiwe pja sʉha.

Éxodo 14:16

Mʉ tjuadʉre na mʉo, cjã yoroca pohõga Sohãri ma bui. Mʉ ã yoachʉ, tí co dacho maca mehne suru pahã waha, pari maha, co marieni maha, wʉari maha tjua caha sʉrohca, mʉ masa tí mahapʉ ti pahãhto sehe.

Éxodo 14:20

à majare dʉcʉ sʉa, tina pʉaro sehe israe masa curua, egipto masa surara curua, ti dacho macai dʉcʉ sʉa wahaha jʉna. à yoa Yawe tí curuapʉ ji, ñami jipachʉta israe masa sahserore noano buhriarucuchʉ yoaha. Egipto masa surara sehere ñamine nahitiano bui tuaro nahitiano tjuachʉ yoaha. à tinare nahitia yʉhdʉachʉ, tí ñami puro israe masare ne ñaha masieraha.

Éxodo 15:8

à yoa putirocaro yoaro sehe wihnonore mʉ warocachʉ, tí ma dacho macare cʉãno jimariro cjiro pʉ bʉhʉseheri sururʉcʉ sʉa waha, co sehe biha dʉcataro yoaro seheta bʉtirʉcʉ sʉa wahara.

Éxodo 7:19

à yoa Yawe õ sehe ni yahu namoha Moisere: —Mʉ wahmi Aarõ to tjuadʉre naroca mʉo, tʉ mehne mári bui, toaa watoi ti saha wahsari co wahaa wahsari bui, pja tarori bui, ã yoa jipihtiro nohoi co jia bui ñui purocajaro. To ñui purocachʉta, tí sehe di co dojo pihtia wahaahca. Te yucʉri mehne, tãa mehne ti yoaa situ puripʉ posa tia co cʉ̃hʉ di co dihta dojo pihtia wahaahca —ni yahu namoha Moisere.