Éxodo 14:13 - Wanano OT Portions

¹³ Ti ã ni tuhtichʉ tʉhoro, Moise sehe õ sehe ni yʉhtiha to masare: —¡Cuiena tjiga mʉsa! Tóihta dʉcʉ sʉ, wacũ tuaga Yawe michare dohse yoa mʉsare to yʉhdohtire. Michapucacã egipto masare, mʉsa ñʉinare ne pari turi ñʉ namosi mʉsa.

Éxodo 14:13 Iomraidhean Croise

Génesis 15:1

Lotere to yʉhdʉ witichʉ yoari baharo, Yawe sehe tiro Abrãre bajua, õ sehe ni yahuha: —Abrã, ne cuiecʉ tjiga mʉhʉ. Yʉhʉ jija mʉhʉre noano dʉcata, ã ñʉ wihborucuriro. Tuhsʉ, yʉhʉ sehe mʉhʉre payʉ noaare wai tai nija —niha tirore.

Génesis 46:3

To yʉhtichʉ, Cohamacʉ tirore õ sehe ni yahuha: —Yʉhʉ jija Cohamacʉ. Mʉ pʉcʉ cjiro to ño payoriro jija. Egiptopʉ waha duacʉ cuii tjiga. “Ahri yahpare Cohamacʉ yʉhʉre to wari yahpare cohãnocaca yʉhʉ” ni, tʉhoturo marieno wahaga. Mʉ tópʉ wahachʉ, yʉhʉ cʉ̃hʉ mʉhʉ mehneta waharucuihtja. Tópʉ sʉ, mʉ jiri baharo, mʉ panamana ji turiahtina cjihtire pjiri curua wahachʉ yoaihtja. Ã yoa mʉ yariari pjare mʉ macʉ José mʉhʉ cahaita jirohca. Mʉ yariari baharopʉre yʉ basita mʉ panamana ji turiahtina cjihtire ahri yahpapʉ na majare tjua taihtja tjoa —ni yahuha.

Éxodo 14:30

Tí nʉmʉi Yawe israe masare yʉhdoha, egipto masa surara ti ñahaborore. Baharo tina cjirire pjiri ma dʉhtʉ cahai ñʉha.

Éxodo 20:20

Ti ã nichʉ tʉhoro, Moise sehe õ sehe ni yʉhtiha tinare: —Cuiena tjiga. Mʉsa ñʉrocaroi to tuaa tiare ñono nina tiro mʉsare. Ã ñono, õ sehe ni tʉhotu, jia tirucuchʉ yoa duaro nina tiro mʉsare: “Tua yʉhdʉrʉcʉ sʉriro waro jira Cohamacʉ. Ã jina mipʉre tirore yʉhdʉrʉcaro marieno cua pisaro mehne ã ño payorucujihna mari tirore” ni, tʉhotu, jia tirucuchʉ yoa duaro nina mʉsare —ni yʉhtiha Moise tinare.

Números 14:9

à jina mʉsa cʉ̃hʉ Yawere tó puro ñaca waro yʉhdʉrʉcaena tjiga. Tuhsʉ, tí yahpa macaina cʉ̃hʉre cuiena tjiga. Tina sehe tinare yoadohoriro cjʉaerara. Mari sehe Yawere cjʉaja, marine yoadohoriro. Tiro mari mehne jira. à jina cuiro marieno tinare yʉhdʉrʉcajihna mari —ni yahumaha tina.

1 Samue 11:13

Samuere ti ã nichʉ tʉhoro, Saulo sehe tinare õ sehe ni yʉhtiha: —Jierara, coyea. Ne ã yoaena tjiga mʉsa. Micha dacho mari wahchehti dacho jiro nina. Michare Yawe marine to yoadohoro mehne amonita masare cahma wajã yʉhdʉrʉcanocai mari. Ã jina mari coyeare ne cʉ̃irore wajãena tjiga mʉsa —ni yʉhtiha Saulo tinare.