Éxodo 12:8 - Wanano OT Portions

⁸ Nahi cahari baharo, tí ñami waroi, tina wahiquinare pʉhõtjiã chʉjaro. Tina ti wajãrinare sʉẽa pũri mehne chʉjaro. Ã yoa pão bʉcʉachʉ yoaa mehne more mahnoeraa pão sahserore chʉjaro.

Éxodo 12:8 Iomraidhean Croise

Éxodo 1:14

Dihta sohãare na duti, tíre tʉ sahba duti, tí mehne dihta cjoari dahre duti, tí cjoari mehne wʉhʉseri dahre dutia tiha tinare. Ã yoa toaa ti toahti weseri cʉ̃hʉre tuaro dahra duti, pja ñʉno marieno dahra dutia tiha. Ã yoaa, israe masare ti catisinino puro tuaro wapʉ ti, purĩno tʉhotuchʉ yoaa tiha tina.

Éxodo 12:9

à yoa diina ti bese, ti wajãrinare, ti dapu poca, ti dahpori, ti ñahma sahwari, ti tʉre werewe pahño, ti tʉ misi tuhsʉ, paye jipihtiro mehne tina wahiquinare jiina majaina, pʉhõ chʉjaro. Ne cʉ̃ dihiro, catiri dihirore chʉea tjijaro. Tuhsʉ, dohatjiã ne waro chʉea tjijaro tina.

Éxodo 13:3

à yoa Moise õ sehe ni yahu turiaha to masare: —Ahri sʉ̃re, wahma cʉhmare mari quihõ dʉcari sʉ̃re, abibe wama tiri sʉ̃re catorce dachori waharoi wijaara mʉsa Egipto yahpare. Egipto masa ti ñano dutipe, ti cjʉamarinare to tuaa mehne michare mʉsare Yawe na wiora. à jina cʉhmaripe ahri dacho, mʉsa wijaari dacho cjirore wacũhtina jiyuhca mʉsa. Ahri dacho cjirore wacũna, õ sehe yoahtina jiyuhca mʉsa. Bʉcʉachʉ yoaare ti moreri pãore chʉerahtina jiyuhca mʉsa. Ti more mahnoeraa pão dihtare chʉhtina jiyuhca mʉsa.

Zacaría 12:10

(Ã yoa masare yʉhdohtiro to wahahtire to basi to ni ducuruboriro seheta Yawe Zacaríare yahu cũ mʉhta dutiha israe masapʉre.) Ã jiro õ sehe ni yahuha Zacaría: —Cʉ̃ dacho yʉhʉ, pʉhtoro Davi cjiro ya da poto macainare, ã jichʉ paina Jerusalẽi jiina cʉ̃hʉre yʉ noariro jia tiare masichʉ yoaihtja. Tuhsʉ, yʉhʉre tʉho duaina wahachʉ yoaihtja. Yʉhʉre sini duaina, maca duaina cʉ̃hʉ wahachʉ yoaihtja tinare. Ã jia tina yʉhʉre ti ñosariro cjirore ñʉa, tuaro tiiahca. Cʉ̃iro masʉno to macʉno masa bajua mʉhtariro, cʉ̃iro jiriro to yariachʉ, purĩno mehne tuaro to tiiboro seheta tiiahca tina —ni yahu cũ mʉhta dutiha Yawe Zacaríare.