Éxodo 12:51 - Wanano OT Portions

⁵¹ Ã yoa tí dachoihta, israe masa curua, cãa curuari tju warʉcʉ sʉ, ti cahnorʉcʉ sʉri baharo, Yawe sehe tina Egipto yahpai jimarinare naroca wioha.

Éxodo 12:51 Iomraidhean Croise

Éxodo 12:41

Tópe cʉhmari quihõno sʉchʉ waro, Egipto yahpare wijaa wahaha tina. Yawe ya masa curua, cʉ̃ curua jiparota, doce curuari cahma, tju wa dapo, ji dijari curua, cãa curuari ti cahnorʉcʉ sʉri baharo, wijaa wahaha jʉna.

Éxodo 12:50

Tina israe masa tíre Yawe Moisere, Aarõ cʉ̃hʉre ti wacũ duti, to cũriro seheta tina quihõno yoa pahño dapoha.

Éxodo 13:1

à yoa Yawe sehe Moisere õ sehe ni yahuha tjoa:

Éxodo 16:1

à yoa israe masa Elĩ wama tiri cuhtupʉ jimarina yʉhdʉ wahcãa, wʉari dʉjʉro, yucʉri marieri dʉjʉro, Sĩ wama tiri dʉjʉropʉ sʉa tiha. Tí dʉjʉro sehe tʉ̃cʉ Sinaí wama tidʉpʉ sʉro caharoi tjuaa tiha. Egipto yahpare ti wijaari baharore, cʉ̃ sʉ̃ baro sʉha tina tí dʉjʉropʉre.

Éxodo 19:1

à yoa israe masa Refidĩ wama tiri cuhtui jirina wijaa, Sinaí yahpai yucʉri marieri dʉjʉropʉ sʉ, tói tʉ̃cʉ dahpoto cahai ti wʉhʉserire tʉã dapo, ji caha sʉsiniha. Tia sʉ̃ ñaha wahcãno waroi tópʉ sʉha, Egiptopʉ ti wijaari baharo.

Éxodo 3:8

à jicʉ dija tahi yʉhʉ. Yʉ masa ñano yʉhdʉinare, egipto masa ti bui tuaina jia, cahamaca ti cjʉainare na wioi tai dija tahi. Tinare na wio, cʉ̃ yahpa, pjiri yahpa, noari yahpapʉ naaihtja tinare. Tí yahpapʉre jipihtia chʉa jira. Tí yahpa cananeo masa, hitita masa, amorreo masa, fereseo masa, heveo masa, jebuseo masa ti jiri yahpa jira.

Éxodo 6:6

à jicʉ mʉhʉ sehe mʉ coyea israe masare õ sehe ni yʉhʉre yahubasai wahaga: “‘Yʉhʉ jija à Catirucuriro. Yʉ nirire, cohtotaro marieno, sohtori ti mʉjariro jija yʉhʉ. à jicʉ Yawe wama tija. Mipʉre Yawe yʉ jia tiare tina sehere masichʉ yoai tai nija jʉna. à jicʉ ti ñʉchʉsʉma cjirire yʉ nirire tina sehere sohtori tii tai nija. Israe masa curuare Egipto yahpa macaina ti ñano dahra dutiperi curuare naroca wioi tai nija. Yʉ naroca wiohto pano, egipto masa sehere tuaro buhiri dahresinihtja. Tinare tuaro buhiri dahre, yʉ tuaa tiare tinare yʉ ñori baharo, israe masa sehere naroca wioihtja.