Éxodo 12:31 - Wanano OT Portions

³¹ Ã yoa tiro faraõ sehe tí ñamihta Moisere, ã jichʉ Aarõre pji dutirocaha. To cahai ti wihiri baharo, õ sehe niha tinare: —Mʉsa, ã jichʉ mʉsa masa cʉ̃hʉ yʉ ya yahpare wijaa dojoa wahaga. Yawe mʉsa Cohamacʉre, ño payona wahaga mʉsa yʉhʉre siniriro cjiro seheta.

Éxodo 12:31 Iomraidhean Croise

Éxodo 10:29

To ã ni tuhtichʉ tʉhoro, Moise õ sehe ni yʉhtiha: —Jai. Mʉ nino seheta yoaihtja. Ne pari turi mʉ cahapʉ ta namosi —ni yʉhtiha faraõre.

Éxodo 10:9

To ã ni sinitu ñʉchʉ tʉhoro, õ sehe ni yʉhtiha Moise: —Yawe, sã Cohamacʉre pjiri bose nʉmʉ yoa payo, tirore ño payona wahana tana nija sã. Ã jina sã jipihtina sã namosanumia mehne, sã pohna mehne, ã jichʉ bʉcʉna quina jipihtina mehne wahanahca sã. Tuhsʉ, sã nuina ovejaa, sã cabraa, sã wachʉa jipihtina tina cʉ̃hʉre naanahca sã —ni yʉhtiha Moise.

Éxodo 11:1

Moise faraõre to ã ni yʉhtiri baharocãta, Yawe sehe Moisere õ sehe ni yahuha: —Pari turi buhiri dahre batoai tai nija faraõre ã yoa to masa egipto masare. Yʉ ã buhiri dahreri baharo, faraõ mʉsare noano mehne “Wijaa duana, wijaa masina mʉsa” nisi. Tiro tuaro mehne cohã wiorohca mʉsare.

Éxodo 11:8

‘Ã yoa to ã yoachʉ ñʉapʉ, tina mʉ doca macaina pʉhtoa, yʉhʉ cahai ta, na tuhcua caha sʉtjiãa, yʉhʉre õ sehe niahca: “¡Wijaahga mʉhʉ! ¡Jipihtina mʉhʉ mehne macaina mehne wijaahga!” niahca jʉna. Yʉhʉre ti ã nierasinichʉ, ne wijaasi —ni batoaha Moise faraõre. Ni tuhsʉ, Moise faraõ cahai jiriro susinino mehne majarerʉcʉ sʉ mʉ wijaa wahaha jʉna.

Éxodo 12:39

à wahaa, tina dahre chʉ duama, soha. Egipto masa tinare ño duaro mehne ti cohã wiochʉ, tinare ti dahre chʉboro waeraha. Tuhsʉ, ti naari pão puhtire bʉcʉachʉ yoaa mehne ti moreboro cʉ̃hʉ waeraha. à jia tina wiho pjaa curiri dahre, chʉ bahrañoa tiha.

Éxodo 6:1

à yoa Moise to ã nichʉ tʉhoro, Yawe sehe tirore õ sehe ni yʉhtiha: —Mipʉ ñʉihca mʉhʉ faraõre yʉ dohse yoahtire. Yʉhʉ tirore mʉsare to ya yahpai jiinare wiochʉ yoaihtja. Potocãta tuaro mehne mʉsare waroca wiorohca tiro —ni yʉhtiha.

Éxodo 8:25

à wahachʉ ñʉno, Moisere, ã jichʉ Aarõre pji dutiroca, õ sehe niha faraõ: —Mipʉ pinihtare waha, mʉsa wahiquinare wajã, jʉ̃ wa mʉo, mʉsa Cohamacʉre ño payona wahaga. Wiho mejeta ahri yahpaihta ã yoaga —niha.

Éxodo 8:8

Mʉa peri payʉ waro ti pu site maja ta namochʉ ñʉno, faraõ sehe Moisere ã jichʉ Aarõre pji dutirocaha. To pji dutirocari baharo, ti wihichʉ ñʉno, tinare õ sehe niha faraõ: —Sãre mʉsa sini payobasachʉ cahmaja yʉhʉ. Mʉsa pʉhtoro Yawe sãre ahrina mʉa perire ti buti pihtia wahachʉ to yoabasahtire mʉsa sini payobasachʉ cahmaja yʉhʉ. Sãre mʉsa sini payobasachʉ, yʉhʉ cʉ̃hʉ mʉsa masare wa wioihtja, tina cʉ̃hʉ ti wahiquinare wajã, jʉ̃ wa mʉo, mʉsa Cohamacʉ Yawere ti ño payoa wahahto sehe —niha faraõ tinare.