Éxodo 11:7 - Wanano OT Portions

⁷ ‘Ã yoa mʉ masare ã ñano waharo wato, israe masa ti jiri sipʉ sehere, ne tó sehe ñano wahaerahto jiyuhti tinare. Ã jia tina ti nuina wahiquina mehne noano jinocahti jiyuhti. To ã yoachʉ ñʉ, tiro Yawe dohse cãa curuari macainare to yoaare masihtina jiyuhca mʉsa. Ã ni, Yawe yʉhʉre yahu dutihre mʉhʉre.

Éxodo 11:7 Iomraidhean Croise

Éxodo 10:23

à tuaro nahitiano jichʉ, Egipto yahpa macaina sehe ti basi cahma ñʉ bocaera tiha. Tuhsʉ, ne pa sehepʉ tini macaa wahaera tiha. Wiho mejeta israe masa ti jiri si sehere noano buhriaro jinocaa tiha.

Éxodo 7:22

à yoa faraõ yaina yaya ã jichʉ paina noano masiina cʉ̃hʉ ti yoaro seheta ti masia mehne yoa ñoha. To yaina cʉ̃hʉ ti yoaro seheta ti yoa ñochʉ ñʉno, Moise cʉ̃hʉre faraõ sehe yʉhdʉrʉcaha tjoa. à yʉhdʉrʉcaro, tinare ti siniare yʉhti duaeraha. Yawe to niriro cjiro seheta waharo niha tiro.

Éxodo 8:19

à bajuamehne masieraa, ti pʉhtorore õ sehe nimaha tina: —Wihmiina perire bajua mʉachʉ yoariro potocãta Cohamacʉta jira —nimaha. Ti ã nichʉ tʉhoparota, faraõ sehe mʉnanota yʉhdʉrʉcariro jisiniha. Yawe to niyuriro cjiro seheta waharo niha. à jiro Moise cʉ̃hʉ ti siniare yʉhti duaeraha tiro.

Éxodo 8:22

Tinare ã waharo watoi yʉ ya curua ti jiri si, Gosẽ wama tiri si sehere soro cũihtja. Tó sehere ne cʉ̃iro nunanairo marienohca. Ã wahachʉ ñʉnopʉ, ‘Potocãta Yawe jira yʉ ya yahpare ã wahachʉ yoariro’ ni, masinohca tiro yʉhʉre.

Éxodo 9:26

à ñano wahapachʉta, Gosẽ wama tiri si, israe masa ti jiri si sehere ne tí poca baro boraeraha.

Éxodo 9:4

Wiho mejeta israe masa ti nuina wahiquina sehere ne cʉ̃iro soro wahachʉ yoasi. Ã jia ti nuina sehe tí dohatia mehne yariasi.