Éxodo 11:2 - Wanano OT Portions

² ‘Ã yoa mʉhʉ sehe israe masare õ sehe ni yahuga: “Mʉa, numia, Egipto macainare, ti wʉhʉseri cahacãi jiina, ti ñʉ masiinare sinijaro noano wapa tia uru mehne ti yoaare. Ã jichʉ, comaa plata mehne ti yoaa cʉ̃hʉre sinijaro tinare” —ni, yahu dutiha Yawe Moisere.

Éxodo 11:2 Iomraidhean Croise

Génesis 24:53

Baharo uru mehne, ã jichʉ plata si paa mehne ti yoaa, cahmono yosaare, bʉsaa darire, wamo pica sãa sororire, ã jichʉ suhti cʉ̃hʉre waha Rebecare. Ã yoa ticoro wahminore, to pocoro cʉ̃hʉre paye baro wapa bʉjʉare waha.

Éxodo 3:21

Tó sehe yoa, mʉsare egipto masa ti ño payochʉ yoaihtja. Ti ã ño payochʉ, jipihtina israe masa numia sehe, mʉsa wijaahto pano, ti ya wʉhʉ cahacã macaina numia ti wahma sitiare sinijaro. Ti siniina numia mehne jiina numia ya cʉ̃hʉre sinijaro. Õpere sinijaro tí numiare. Uru, ã jichʉ plata wama tia comaa mehne ti yoaa, cahmono yosaare, bʉsaa darire, wamo picari sãa sororire, ã jichʉ suhti cʉ̃hʉre sinijaro. Sini tuhsʉ, tí jipihtiare ti pohnare wajaro. Tó sehe yoa, egipto masa ti cjʉaare manahca mʉsa. Ã jina mʉsa wijaana, paye baro maeraina wijaasi —niha Yawe Moisere.

Éxodo 32:24

Ti ã nichʉ tʉhocʉ, yʉhʉ sehe noa cahmori yosaa, uru mehne ti dahreare cjʉainare cahmachu dutihi. Ti na cahmachuri baharo, tíre pichacapʉ doca tiã cũhi. Yʉ ã yoachʉ, ahriro wachʉcã uru mehne ti dahrerirocã bajuahre —ni yʉhtiha tiro.