Éxodo 10:13 - Wanano OT Portions

¹³ To ã ni yahuchʉ tʉhoro, to tjuadʉre Egipto yahpa bui ñui purocaha Moise. To ñui purocachʉ, Yawe sehe sʉ̃ mʉja taro caha sehe wihno ti mʉ mʉja tachʉ yoaha. To ã yoachʉ, tí wihnono sehe cʉ̃ dacho, cʉ̃ ñami tí yahpare wã turucuha. Ã yoa pa nʉmʉ bohrearo sehere tí wihnono mehne poreroa peri payʉ wihiha jʉna.

Éxodo 10:13 Iomraidhean Croise

Génesis 41:6

Baharo tí sata tópe tõhorita dicha ti namoha tjoa. Wiho mejeta tí tõhori sehe cʉhma wihnono mehne ñaia tohõricã, yapari mariea tohõricã jiha.

Éxodo 14:21

Tinare ti mʉ sʉ masieraro wato, Moise sehe to tjuadʉre na mʉo, cjã yoroca pohõha Sohãri ma bui Yawe to dutiriro seheta. To ã yoachʉ, Yawe sehe sʉ̃ mʉja taro sehe ñami puro wihnono tuaro wã turucuchʉ yoaha. To ã wã turucuchʉ yoaro mehne, tí ma, pjiri ma macaa co sehe suru sʉrʉcʉ sʉa waha, tí ma caha sʉro cʉ̃hʉre wʉa sã caha sʉchʉ yoaha.

Joná 1:4

à yoa ti waharucuro wato, yoaerachʉta, Yawe sehe wihnono tuaro wãchʉ yoaha. To ã tuaro wãchʉ yoaro mehne pahcõri, bʉjʉa pahcõri wahcãha. à waharo mehne tia dohoria wʉrʉ sehe tuaro waro yureha. à yurero, nu wahti site ñojahto cuaro waro wahaha.

Joná 4:8

à yoa tjoa bohrea cahari baharo, sʉ̃ mʉja taro caha sehe, wihnono ñano siri wihnono wã tu mʉ mʉja tachʉ yoaha tiro. à yoa tí dachore sʉ̃ cʉ̃hʉ tuaro waro siha. à jiro Joná sehe sʉ̃ siro mehne mahano yariamaha. à yaria moñono, õ sehe niha tiro: —Ñaputiaro yʉhdʉca yʉhʉ. Poto yʉ yariaa wahachʉ, noaboa yʉhʉre —niha.