Éxodo 1:12 - Wanano OT Portions

¹² Ã yoa israe masa sehe, ti ã ñano dutipepachʉta, payʉ masa puti namoha. Ã jia egipto masa sehe tinare tuaro cuia tiha.

Éxodo 1:12 Iomraidhean Croise

Génesis 46:3

To yʉhtichʉ, Cohamacʉ tirore õ sehe ni yahuha: —Yʉhʉ jija Cohamacʉ. Mʉ pʉcʉ cjiro to ño payoriro jija. Egiptopʉ waha duacʉ cuii tjiga. “Ahri yahpare Cohamacʉ yʉhʉre to wari yahpare cohãnocaca yʉhʉ” ni, tʉhoturo marieno wahaga. Mʉ tópʉ wahachʉ, yʉhʉ cʉ̃hʉ mʉhʉ mehneta waharucuihtja. Tópʉ sʉ, mʉ jiri baharo, mʉ panamana ji turiahtina cjihtire pjiri curua wahachʉ yoaihtja. Ã yoa mʉ yariari pjare mʉ macʉ José mʉhʉ cahaita jirohca. Mʉ yariari baharopʉre yʉ basita mʉ panamana ji turiahtina cjihtire ahri yahpapʉ na majare tjua taihtja tjoa —ni yahuha.

Éxodo 1:20

à yoa Cohamacʉ sehe ti wajãerachʉ ñʉno, “Ahrina numia yʉhʉre cua pisaro mehne ño payoa numia jira” ni ñʉha. à ni ñʉno, tí numiare noano wahachʉ yoaha. Tí numiare nijinocã boca masieraa numia cjirire pohna tichʉ yoaha tiro ti manʉsʉma mehne. à yoa israe masa pohnacãre ti wajãerachʉ, tina israe masa sehe payʉ masa puti, tuari curua waha namoha.

Éxodo 1:7

Wiho mejeta Jacobo cjirore ji turia dijaina, israe masa ti niina sehe, payʉ masa puti, tuari curua waha, paró Egipto yahpare ji sahsea wahaha.

Éxodo 1:9

à jiro õ sehe niha to coyea egipto masare: —Ahrina israe masa mari bui payʉ masa putia nina. à jia tina mari bui tuari curua wahaa nina.