2 Samue 5:2 - Wanano OT Portions

² Ã yoa mari coyeiro Saulo cjiro mari pʉhtoro to jia tiri pjapʉre, mʉhʉta jia tire jipihtina mari israe masa curua macainare sʉho cahma wajã mʉhtariro. Ã yoa tí pjapʉta mari Cohamacʉ Yawe cʉ̃hʉ mʉhʉre õ sehe ni cũa tiri jire, “Yʉ ya curua, israe masa curua pʉhtoro cjihto jiihca mʉhʉ. Ovejaa ñʉ wihboriro ovejaare to noano ñʉ wihboro seheta mʉhʉ cʉ̃hʉ yʉ ya curuare noano ñʉ wihbohtiro cjihto jiihca” ni cũ tuhsʉa tiri jire Cohamacʉ Yawe mʉhʉre. Ã jina sã cʉ̃hʉ sã pʉhtoro rey mʉ jichʉ cahmaja —niha tina tirore.

2 Samue 5:2 Iomraidhean Croise

2 Samue 7:7

à yoa tinare sʉho waja mʉhtahtina cjihti yʉ sõ mʉjaina cʉ̃hʉre ne cʉ̃irore wʉhʉ, noari wʉhʉ wʉrʉ siniera tihi yʉhʉ tina cjirire.

2 Samue 7:8

à nicʉ, ‘Davi to tʉhotua ña nina’ nii nieraja. Noa nina to tʉhotua. à jicʉ mʉhʉ sehe yʉhʉ mʉsa Cohamacʉ Yawe Jipihtina Bui Ji Yʉhdʉrʉcʉ Sʉrirore õ sehe ni Davi, yʉ cahamacʉnore yahubasa namoga: Yʉhʉta jia tihi tiro cʉ̃hʉre panopʉre ovejaare ñʉ wihbo cohtariro to jia tiri pjapʉre pʉhtoro cjihto besei. à besei, yʉ ya curua israe masa curua ti pʉhtoro choro cjihto sõa tihi yʉhʉ tirore.

1 Samue 16:1

à yoa Yawe õ sehe niha Samuere: —Tó purota Saulore yʉ cohã wiorire cahya duhuga mʉhʉ. Yʉ niriro seheta to yariari baharo, ne to pohna, ne to panamana ji turiaina cʉ̃hʉ israe masa pʉhtoa cjihti ti jichʉ cahmaeraja yʉhʉ. à jicʉ mipʉre mʉhʉ sehe Belẽpʉ wahaga. Tópʉ wahai, oveja saharopʉ olivo sere posaa, naaga. à yoa Belẽpʉ sʉcʉ, Jesé wama tiriro ya wʉhʉi sʉga. Yʉhʉ sehe cʉ̃iro to macʉnore beseyu tuhsʉhi israe masa ti pʉhtoro cjihto —niha.