1 Samue 8:9 - Wanano OT Portions

⁹ Ã jicʉ mʉhʉre ti sinino seheta yoaga. Ti pʉhtoro rey cjihtore bese, sõbasaga tinare. Wiho mejeta mʉ sõhto pano, rey tuaro mehne to masare to dutihti cjihtire noano yahu mʉhtaga mʉ masa curuare, mʉ sõri baharopʉ “Rey ñaa niri jira” ti nierahto noano —ni yʉhtiha Yawe Samuere.

1 Samue 8:9 Iomraidhean Croise

1 Samue 10:25

à yoa Samue sehe Saulore to pʉhtoro sõri baharo, jipihtina israe masare tiro Saulo pʉhtoro jiro, dohse yoa tinare to sʉho ji mʉhtahti cjihtire yahuha. Tí to yahua sehe, to baharopʉ rey sãahtina cʉ̃hʉ ti yoahti cjihti jia niha. à jiro tinare to yahuri baharo, jipihtia to yahurire joa na, Cohamacʉ ya wʉhʉpʉ cua pisaro mehne tíre wihboa tiha Samue. Baharo jipihtina israe masare ti jia macaripʉ coha tjuaa dutiha tjoa.

1 Samue 8:8

Panopʉre ti ñʉchʉsʉma cjiri yʉhʉre ti yoariro cjiro seheta mipʉ macaina cʉ̃hʉ yʉhʉre ã yoaa nina tjoa. Ti ñʉchʉsʉma cjirire, Egiptopʉ cahamaca jiinare na wio, yʉ na taa tiri pjapʉta tina cjiri cʉ̃hʉ yʉhʉre duhu mʉja, paina cohamana sehere ño payo dʉca mʉja tuhsʉa tire. Mipʉ cʉ̃hʉre tina cjiri panamana ji turia dijaina cʉ̃hʉ ãta yoa mʉjana tjoa. Ã yoaa, yʉhʉre ti cohã mʉjano seheta mʉhʉ cʉ̃hʉre cohãa nina.