1 Samue 8:8 - Wanano OT Portions

⁸ Panopʉre ti ñʉchʉsʉma cjiri yʉhʉre ti yoariro cjiro seheta mipʉ macaina cʉ̃hʉ yʉhʉre ã yoaa nina tjoa. Ti ñʉchʉsʉma cjirire, Egiptopʉ cahamaca jiinare na wio, yʉ na taa tiri pjapʉta tina cjiri cʉ̃hʉ yʉhʉre duhu mʉja, paina cohamana sehere ño payo dʉca mʉja tuhsʉa tire. Mipʉ cʉ̃hʉre tina cjiri panamana ji turia dijaina cʉ̃hʉ ãta yoa mʉjana tjoa. Ã yoaa, yʉhʉre ti cohã mʉjano seheta mʉhʉ cʉ̃hʉre cohãa nina.

1 Samue 8:8 Iomraidhean Croise

Éxodo 16:3

Baharo tinare õ sehe ni tuhtiha: —Egipto yahpapʉ jina, ñano yʉhdʉpanahta wahiquina dihire ã jichʉ dohse jia chʉa cʉ̃hʉre sã chʉ duaro puro chʉa timai sã. Tópʉta Yawe sãre to wajãnocachʉ noa yʉhdʉaboa. Mʉsa cʉ̃hʉ sãre õpʉre masa marienopʉre na tana, jʉca mehne jipihtina sãre yariachʉ yoa duana, na tari jira mʉsa —ni tuhtiha tinare.

Éxodo 17:2

Ti sihniboa co mariachʉ ñʉa, Moise mehne pari turi suaa wahaha tina. Ã suaa, õ sehe ni sañu payoha tirore: —¡Sãre cjero core waga, sã sihnihti co cjihti! —ni sañu payoha tjoa. Ti ã ni sañu payochʉ tʉhoro, Moise sehe õ sehe ni yʉhtiha tinare: —¿Dohse yoana yʉhʉ mehne suajari mʉsa? ¿“Yawe marine ñʉeraputiara” ni, tʉhotujari mʉsa? —ni yʉhtiha.

Éxodo 32:1

à yoa tina israe masa Moise tʉ̃cʉ sohtoapʉ to yoari pja butichʉ ñʉa, Aarõ caha sehe soroarʉcʉ sʉ pihtia wahaha. à yoa tina Aarõ sehere õ sehe niha: —Tiro jimahre marine Egiptopʉ jiinare na tariro. Tiro Moisere dohse waharo wahaga. Ãta butinocana tiro. à jicʉ mʉhʉ sehe cohamana yoaga, marine waja mʉhtahtina cjihtire —niha.

Jueces 2:20

Ti ã ñano jia tichʉ ñʉ, suaro, Yawe sehe õ sehe niha: —Ti ñʉchʉsʉma cjiripʉre yʉhʉ õ sehe nia tihi: “Yʉ ya curua macaina jira mʉsa. Ã jina jipihtia yʉ dutiare noano yʉhti mʉjaga mʉsa” nia tihi yʉhʉ tina cjirire. Yʉ ã nirire ahrina sehe tuaputiaro yʉhdʉrʉcaa nina jʉna.

1 Samue 8:7

To sinitu ñʉchʉ, Yawe sehe tirore õ sehe ni yʉhtiha: —Mʉhʉre ti sinino seheta yoaga. Ti pʉhtoro cjihto pairore cahmaa, mʉhʉ dihtare cohãa nierara tina. Yʉhʉ cʉ̃hʉre cohãa nina. Yʉhʉta jimaja ti pʉhtoro waro. Yʉ ã jipachʉta, tina sehe tinare yʉ waja mʉhta namochʉ cahmaeraa, ã yoara.

1 Samue 8:9

à jicʉ mʉhʉre ti sinino seheta yoaga. Ti pʉhtoro rey cjihtore bese, sõbasaga tinare. Wiho mejeta mʉ sõhto pano, rey tuaro mehne to masare to dutihti cjihtire noano yahu mʉhtaga mʉ masa curuare, mʉ sõri baharopʉ “Rey ñaa niri jira” ti nierahto noano —ni yʉhtiha Yawe Samuere.