1 Samue 13:7 - Wanano OT Portions

⁷ Ã yoa paina sehe Jordão ma pa bʉhʉsehe cjoapʉ duhti pahãa wahaha. Duhti pahãa, Gade ã jichʉ Galaa wama tia yahparipʉ duhti site wahcãa wahaha tina. Ti ã duhti site wahcãri baharo, Saulo sehe to surara mehne ã jichʉ paina to pjirocarina ti duhti site wahcã dʉharina mehne Gilgapʉta jisiniha. Tina tiro mehne jiina sehe cuiro mehne tuaro tetereha.

1 Samue 13:7 Iomraidhean Croise

1 Samue 13:8

à yoa Saulo Gilgapʉ to wahahto pano tirore Samue sehe õ sehe niha: —Tópʉ mʉ sʉri baharo, cʉ̃ somana waro yʉhʉre cohtasiniga mʉhʉ. Yʉhʉ sehe tí somana waharo puro dohse jiri nʉmʉi mʉ cahapʉ sʉihca. Tópʉ sʉi, mʉsa cahma wajãna wahahto pano mari pʉhtoro Yawe mʉsare to yoadohohtire sinibasai wahaihtja. à sinibasai, wahiquinare wajã, cãinare pjainata jʉ̃ wa mʉoihtja, Yawere ño payoro mehne. Painare cãa sirita jʉ̃ wa mʉoihtja. à yoa dʉhsaa sirire mari jipihtina tói pʉhõ chʉnahca mari —niha Samue Saulore. To ã niri baharo, Saulo sehe Gilgapʉ jiro, cʉ̃ somana waharo puro Samuere cohtaro niha. Wiho mejeta Samue sehe to cahapʉ sʉerasiniha. à yoa Saulo mehne tjuarina cʉ̃hʉ cuia, sie sehe mehne, sie sehe mehne tirore cohã wahcã pihtia taapʉ niha.

1 Samue 31:7

Ti ã wajã pahñochʉ, israe masa coyea ti cahma wajãno caha curei jiina sehe ñʉa tiha. Ã ñʉa, cuiro mehne ti jia macarire duhu, duhti site wahcãa wahaa tiha tina. Ã yoa paina israe masa Jordão ma sie cjoa pahrẽ sehei jiina cʉ̃hʉ filisteo masa surara ti ã yoaa quitire tʉhoa tiha. Ã tʉhoa, tina cʉ̃hʉ cuiro mehne ti jia macarire duhu, duhti site wahcãa wahaa tiha. Ti duhti site wahcãri baharo, filisteo masa sehe ta, ti jia macari cjirire pʉ ti, tí macaripʉ ji caha sʉa tiha.