Jeremi 26:3 - Gourmanchéma Bible

³ Daalinba bi baa cengi, yua kuli n ŋa o sanjagindi. Yeni, n baa lebidi min jagi ke n baa tieni ba yaa bonbiadila kelima bi tuongunda po.

U TIENU MAAMA TILI 2013

³ Daalinba bi baa cengi, yuakuli n ŋaa o sanjagimu. Yeni, n baa lebidi min jagi ke n baa tieni ba yaa bonbiadila, kelima bi tuongunda po.

Jeremi 26:3 Iomraidhean Croise

1 Bi Badiba 21:27

Akabi n den gbadi Elia n yedi yaala, o den padi o tiadi, ki lani li paboanli tiadi, ki loli bu ñoabu. O den dua leni laa tiadi, ki cuoni dindini.

1 Bi Badiba 21:29

«Naani a laa Akabi n miini o yuli maama n nintuali? Wan miini o yuli n nintuali yeni, n kan teni laa fala n cua o yaa yogunu. N baa yuandi ki teni laa fala n baa o buolu nni o bijua yaa yogunu yo.»

Jeremi 26:13

Moala lebidi mani yi tagu leni yi tuongunda. Cengi mani Li Miali Diedo nialu, yeni Li Miali Diedo baa cedi wan bi jagi ke o baa tieni yi yaa bonbiadila yeni.

Jeremi 26:19

Naani Juda bado Esekiasi leni Juda yaaba kuli den cuo o ki ku o yo? Naani baa den doagidi ke bi pia li fangili Li Miali Diedo po ki moandi ki baa jiini o pali kaa? Lanwani Li Miali Diedo den cedi wan den jagi ke o baa tieni ba yaala ke li bia yeni. Tinba wani baa tuo ki tuni ti yuli laa janda!»

Jeremi 36:3

Li fidi ke Juda yaaba n faami min jagi ki baa tieni ba yaa bonbiadila kuli. Lani n tie yua kuli n ŋa o tuadibiada. Yeni, n baa tieni bipo sugili bi tagili leni bi *tuonbiadi po.»

Jeremi 36:7

Daalinba bi sugili miama baa pundi Li Miali Diedo nintuali. Bi siiga yua kuli n ŋa o tuadibiada kelima Li Miali Diedo pabienli n kandi maama po. O pali fii hali boncianla bi naa niba po.»

Esekieli 12:3

Lani yaa po, bogini a tiadi nani ban cuo ki caani yua ti yonbidi u yensiinu yeni. Ŋan gedi nani ban cuo yua ti yonbidi ki caani o kaanto ke bikuli nua. Daalinba li baa todi ba ban bandi ke bi tie niyiekaaba buolu yo.

Esekieli 18:21

Li yaa tie ke o nibiado lebidi ki ŋa wan den tiendi yaa tuonbiadi kuli, ki kubi n mabilikaama kuli ki tiendi mi teginma, moamoani o baa yaa ye, o kan kpe.

Ose Tili 11:9

N kan soani yi nani n pali n den beni ke n jagi maama, N kan go bolini yinba Isalele buolu yaaba, Kelima n tie U Tienu, mii tie nisaalo ka, N tie yaa Tienu n gagidi ki ŋani, ki ye yi siiga, N kan cua yi kani leni pabienli.

Joeli 2:14

Ŋme n bani o yaa kan goa ki lebidi o yantiali, Ki seligi yi bonŋanla. Yeni, yi baa fidi ki yaa kpendinni Li Miali Diedo yi Tienu po bu paabu leni a ñincaba.

Jonasi 4:2

ke o mia Li Miali Diedo ki yedi: «Li Miali Diedo, hali min den ye n diema nni min den li jie yaala kaa nne. N den bani ke a tie yaa Tienu n juogidi, ki gba mi niñima, ki pia li juunli leni li *ŋanbili. A yen lebidi a yama ki cedi ŋan bi jagi ke a baa tieni o nilo yaala. Lani yaa po yo ke n den tiini ki caa Talisisi.