Números 6:4 - Biblia Yanowamö

⁴ Bä yaiobä, bä nö nia lä dedeaö wei tä jödödöwä cubloimi showao däjä, uba bä nia waimije. Bei mobä ma cui, bei sibä ma cui, bä bluca nia waimi waiquiweje.

Números 6:4 Iomraidhean Croise

Números 6:21

’¿Ö̦jö tawä? —Jeobaa a cuma—. Camiyä nija bä yaiobä bä a̦ nö lä wäo wei bä lä cui bä nija ya tä nabä lä shömöaö wei ei ya wa̦. Camiyä Jeobaa wale dobäbeje, ya tä a̦fa bluca lä jayumafe, ö̦jö bä ja wale nia shino dobäö cadidouje, bä lä yaio wei bänö. Ai täbä yädämaö ojodeje ja, täbä yädämaö daoje. Camiyä nija bä nia lä yaio wei tä ja bä a̦ nö wäo waiquiwä ja, cama bä nija tä nabä lä shömamou wei tä ja bä nia cadidou.

Números 6:3

uba nashiwä toubä ja bä nia wasöo. Täbä shi lä wa̦limaö wei ai toubä mö feduwä ma cui ja, bä nia ca̦i wasöo. Ö̦jö ubä showawä ja, ai toubä ma tablaö wejei ma cui ja, bä nia ca̦i wasöo. Uba dude ubä ma cui, ubä nia ca̦i coaimije. Bä ma bou wei ma cui, shi̦liqui bä ma cui, bä ca̦i nia waimije.

Números 6:5

’Bä yaiobä bä nö nia lä dedeaö wei tä jödödöwä cubloimi showao däjä, bä feta u̦cu bäblamou mlai ja, bä fetaucu noshi nia umlao —a cuma—. Bä a̦ nö wäo ja, bä nö nia jo̦wa lä dedeaö wei tä cubloimi showao däjä, camiyä Jeobaa ya nija bä nia yaio, iba dodijidawä bä cudiobä. Bä fetaucu nia labablou.

Jueces 13:14

Uba bei totobä ja, a nia iyaimi. Uba nashiwä toubä ma cui ja, täbä shi lä wa̦limamou wei ai toubä ma cui ja, a nia wasöo. Jeobaanö täbä a̦fa shami lä wäyäö wei täbä nia waimi. ¿Ö̦jö tawä? Cama lija ya tä nabä bluca lä shimano wei tä ja, a cadidobä —a cuma.