Números 6:3 - Biblia Yanowamö

³ uba nashiwä toubä ja bä nia wasöo. Täbä shi lä wa̦limaö wei ai toubä mö feduwä ma cui ja, bä nia ca̦i wasöo. Ö̦jö ubä showawä ja, ai toubä ma tablaö wejei ma cui ja, bä nia ca̦i wasöo. Uba dude ubä ma cui, ubä nia ca̦i coaimije. Bä ma bou wei ma cui, shi̦liqui bä ma cui, bä ca̦i nia waimije.

Números 6:3 Iomraidhean Croise

Números 6:4

Bä yaiobä, bä nö nia lä dedeaö wei tä jödödöwä cubloimi showao däjä, uba bä nia waimije. Bei mobä ma cui, bei sibä ma cui, bä bluca nia waimi waiquiweje.

Lucas 1:15

Bada dodijiwä a cuobä, Bada tänö a nia malä tablamaö wei. Nashiwä toubä nia coaimi. Ai toubä ma cui, täbä shi lä wa̦lii wei toubä nia coaimi dodijiwä. Bä nöö nija a didio showao däjä, Yai Bada tä Bufinö a nia jödödöbou showao.

Lucas 21:34

Abinaja Jesúsnö bä nowa ca̦i tama. —Bä da moyaweicu, Yai Bada nija wamacö bufi walalao fe yadiobä. Täbä iyaö ca̦i lä co̦camou wei jamö bä bufi mö blucao dijä. Bä shi wa̦limamo dijä. Eja dodijidawä wamacö nia lä bälöo wei tä ja, bä bufi ca̦i cuaablalo dijä. ¿Ö̦jö tawä? “Fei däjä dao”, wamacö bufi cuu mlalanö wamacö lobe quiliblou dicoo mlaobä.

Efesios 5:18

Nashiwä toubänö bä shi ca̦i wa̦li dijä. Ö̦jö toubä wayunö täbä malä wa̦lidiblou wei. Ö̦jö toubä ja wamacö taamamou mlai, Yai Bada tä Bufi lija bä bufi yai da jödödöblamamolu.

1 Tesalonicenses 5:22

Wamacö bufi fa wasöonö, Yai Bada tänö tä taö lä wasöö wei, tä bluca waia da showadalöje.

1 Timoteo 5:23

Fei däjä mau wa ubä shi̦lo coaö bädao mlai, nashiwä wiisibö toubä ca̦i da coa, wa amocu owäjäblobä. Wa shi̦lo malä jaliliaö wei.

Hebreos 9:10

Ö̦jö Moisesi etä a̦ jamö, nii bä a̦fa shi̦lo wayoamou bädao. Toubä lä coaö wejei toubä ca̦i. Täbä dodijidablou co̦obä, bä nia lä cuaaö wei tä ca̦i. ¿Ö̦jö tawä? Shomi tä a̦ läo showao mlao däjä, bei bä sibo nia lä taamamou wei tä a̦ shi̦lo läo showao balöoma.

Jueces 13:14

Uba bei totobä ja, a nia iyaimi. Uba nashiwä toubä ma cui ja, täbä shi lä wa̦limamou wei ai toubä ma cui ja, a nia wasöo. Jeobaanö täbä a̦fa shami lä wäyäö wei täbä nia waimi. ¿Ö̦jö tawä? Cama lija ya tä nabä bluca lä shimano wei tä ja, a cadidobä —a cuma.

Jueces 13:4

Ö̦jö cudeenö, a da moyaweicu. Nashiwä toubä coa dijä. Täbä shi lä wa̦limamou wei ai toubä ma cui, toubä coa dijä. Jeobaanö täbä a̦fa shami lä taö wei täbä ca̦i wa dijä.