Números 32:3 - Biblia Yanowamö

^3-4 —Bämacö juimabä jamö, Jeobaa a ishou fa baläläonö, bä jaba lä bälöjono wei bä yashublalema. Ö̦jö bä ulifibö jamö bämacö bälöblao nomöjöa lä cule. Adalodo tä ulifi ma cui, Dibono tä ulifi ma cui, Jasele tä ulifi ma cui, Nimila tä ulifi ma cui, Ebono tä ulifi ma cui, baca bä iyabä ö̦jö tä ulifi bluca dodijidawä dodijiwä. Eleale tä ulifi ma cui, Sebama tä ulifi ma cui, Nebo tä ulifi ma cui, Beono tä ulifi ma cui, inaja showawä. Yamacö yalobö iyabä, tä ulifi dodijidawä dodijiwä. ¿Ö̦jö tawä? Cafä bämacö nosie juabä yamacö lä cuinö, baca yama bä bluca malä tabole, ¿ö̦jö daanö?

Números 32:3 Iomraidhean Croise

Números 21:28

Ebonoteli bä shabonobö jamö wacö bada ömöoma, Seono a bälöa lä läle jamö. ¿Ö̦jö tawä? Seono ebä wayu lä juno wei, jai cowa wacö bänö tä ulifi waicaö lä culenaja bä cuoma. Ebonoteli bä shabonobö jamö wacö jaba fa ömöicunö, wacöbä lä yäblou wei, Ala jamö ma cui, wacö bada quea blajaa fa showadalunö, Moabateli bä mö watäblamolayoma, Anono u ola jamö, bä bälöo lä lojodoodayono wei bä lä cui.

Números 21:30

Ebonoteli bä shabonobö jamö Moabateli bä nia bälöa dabloimi nomöjöo. Dibonoteli bä shabonobö lä blajale jamö ma cui, ö̦jamö yama tä ulifi wa̦lidiamaö lä cuaafälöno wei, Medeba jamö ma cui, yama wacö ömöa blajaa showadaamalema.

Números 21:32

Ö̦jö däjä, Jasele tä ulifi bomabeje, Moisesinö bä shömölema. Ö̦jamö amoleo bä fa yashublalöjenö, ö̦jö bä shabonobö lä cublamono wei bä ma cui, bä shabonobö däa läabodayomaje.

Números 32:1

Lubeni ebä yalobö blucao fe balojooma. Baca bluca bä tabomaje. Cadö ebä yalobö blucao mö feduoma. ¿Ö̦jö tawä? Calaada tä ulifi mööje däjä, Jaseleteli bä lä bälöjono wei tä ulifi ca̦i mööje däjä, bä bufi waiyoma. Baca bä dodijidawä iyadibä tä ulifi malä cuono wei.

Números 32:2

Ö̦jö cudeenö, Cadö ebä lä cui, Lubeni ebä ca̦i lä cui, bada bä nija bä a̦ fama. Bada bä nija bä a̦ lä fano wei däjä, Moisesi a cuoma. Eleasala a ca̦i, nofi bäyäalewä a lä cui. Bä ca̦i lä cuono wejei bä ca̦i bada. Ö̦jö bä nija abinaja bä cuma.

Jueces 11:26

Ebono jamö Isaeli yama ecö lä bälöjou wei, Aloele jamö yamacö bälöjou mö lä fedule, Anono u sibo jamö yamacö ca̦i bälöjou cuaaö mö lä feduo wei, yamacö bälöo nö dedei waiquia. ¿Ö̦jö tawä? Lasha 300 yama a famaö waiquia. ¿Wedi tabä yedu ja ö̦jö wama tä ulufi nabä li waloaö co̦onomi, ö̦jö lä?