Números 32:1 - Biblia Yanowamö

¹ Lubeni ebä yalobö blucao fe balojooma. Baca bluca bä tabomaje. Cadö ebä yalobö blucao mö feduoma. ¿Ö̦jö tawä? Calaada tä ulifi mööje däjä, Jaseleteli bä lä bälöjono wei tä ulifi ca̦i mööje däjä, bä bufi waiyoma. Baca bä dodijidawä iyadibä tä ulifi malä cuono wei.

Números 32:1 Iomraidhean Croise

Génesis 13:2

Ablamö a nö madofiböo fe balojooma. Blada bluca bä taboma, olo bä ca̦i. Yalo ebä ca̦i blucao fe balojooma.

Génesis 13:5

Ablamö nija a lä yauono wei a Lodo lä cuinö, cama ebä ca̦i bluca cuo mö feduo showaoma. Yalo bluca bä ca̦i tabou mö feduoma. Oweja bä ma cui, shibo bä ma cui, baca bä ma cui, ö̦jö bä bluca lulubou showao mö feduoma.

Génesis 29:32

Leami a fa shibönabölönö, bei ijilubö e tablalema. Jeobaa nija a bayeliblamoma cudeenö, Lubeni a wa̦fa jilaquema. Abinaja a cuma. —Ya nö ma bleaano wei ma cui, Jeobaanö wale nofi fa ojodadalönö, fei däjä iba wa̦lonö wale nia yai nofimaö dodijio —a cuma.

Génesis 47:4

Abinaja bada a nowa ca̦i tamaje. —Canaana tä nö ulifi ofi fe balojowä ja, äyämö yamacö bälöblaobä, yamacö waloquei lä cufe. Cafä bäfä nosie juabä yamacö lä cuinö, yalo yama bä ca̦i lä juu wei bä yalo ofäö nö bleaaö ja, yama bä ca̦i juimaö lä cufe. ¿Cosena jamö yamacö bälöblaobä tawä? Cafä bada bäfä a̦ ji̦liabä, yamacö juma. Bäfä nosie juabä yamacö —a nowa tamaje.

Éxodo 12:38

Shomi bä ma cui, bä ca̦i bluca fa co̦cablalunö, bä dolecofälöbä jamö bä yaubefälöma. Oweja bä ma cui, baca bä ma cui, ö̦jö bä bluca ca̦i yalo jumaje.

Números 21:32

Ö̦jö däjä, Jasele tä ulifi bomabeje, Moisesinö bä shömölema. Ö̦jamö amoleo bä fa yashublalöjenö, ö̦jö bä shabonobö lä cublamono wei bä ma cui, bä shabonobö däa läabodayomaje.

Números 32:2

Ö̦jö cudeenö, Cadö ebä lä cui, Lubeni ebä ca̦i lä cui, bada bä nija bä a̦ fama. Bada bä nija bä a̦ lä fano wei däjä, Moisesi a cuoma. Eleasala a ca̦i, nofi bäyäalewä a lä cui. Bä ca̦i lä cuono wejei bä ca̦i bada. Ö̦jö bä nija abinaja bä cuma.

Números 32:3

—Bämacö juimabä jamö, Jeobaa a ishou fa baläläonö, bä jaba lä bälöjono wei bä yashublalema. Ö̦jö bä ulifibö jamö bämacö bälöblao nomöjöa lä cule. Adalodo tä ulifi ma cui, Dibono tä ulifi ma cui, Jasele tä ulifi ma cui, Nimila tä ulifi ma cui, Ebono tä ulifi ma cui, baca bä iyabä ö̦jö tä ulifi bluca dodijidawä dodijiwä. Eleale tä ulifi ma cui, Sebama tä ulifi ma cui, Nebo tä ulifi ma cui, Beono tä ulifi ma cui, inaja showawä. Yamacö yalobö iyabä, tä ulifi dodijidawä dodijiwä. ¿Ö̦jö tawä? Cafä bämacö nosie juabä yamacö lä cuinö, baca yama bä bluca malä tabole, ¿ö̦jö daanö?

1 Juan 2:16

Yanowamö täbä doblou malä mlai. Bä cuaaö bufi lä doblao wei tä ja, bä shi shino li jaliblalou. Bä bufi waiyou. Cama bä nofi shino doablamou. Yai Bada bäma a nofi lä Fö̦ömaö wei a lä cuinö, ö̦jö tä nabä shömaimi. Yanowamö ö̦jö cama etä li.

Jueces 5:16

¿Wedi tä tabä, oweja bä lä ji̦colobolajei jamö bä li cudio feyaö buoma? ¿Oweja bä lija bä lä fusifeamou wei tä a̦ ji̦liaö bufi fa doblaojenö, bä li funomi daanö? Lubeni ebä lä bälöblai, bejedi lä bä bufi bluca li wedinajamoblalodima.