Números 24:9 - Biblia Yanowamö

⁹ ¿Ö̦jö tawä? Öla a wa̦shimi jolou däjä a yäläo lä culenaja bä cuwä. ¿Wedinö a li yabäcaö cuquei? Isaeli ebä bayelimaö lä bufii wejei, bä nia li cama bayeliblamou mö feduo. Bä wafäblamaö lä bufii wejei, bä nia li cama wafäblamou —Balaama a cuma.

Números 24:9 Iomraidhean Croise

Génesis 12:3

’Cafä wa lä bayeliblaö wejei bä lä cui, inaja showawä, cama bä ma cui, ya bä nia bayeliblaö cuo mö feduo. Wa nö lä bleaamaö wejei bä lä cui, inaja showawä, cama bä ma cui, ya bä nö nia bleaamaö cuo mö feduo. Cafä bäfä bayelibou fa balöonö, bluca bä bälöjöwä lä yaiblai, afä a nodiwä nija, bä nia bayeliblamou nomöjöo —Jeobaa a cuma.

Génesis 27:29

’Wa fa bayeliblalönö, bluca täbä lä bälöblai, cafä nija bä nosiemamobä —a cuma—. Afä bä mashi ma cui, cafänö wa bä nosiemabä. Bä bälöjou lä yaiblai, cafä nija showadi bä möfe boobä. Naafä bä ijilubö ma cui, wa ebä möfe ca̦i bomabobä. Wa nö bleaamaö bufi lä doblao wejei bä lä cui, inaja showawä Jeobaanö cama bä nia ca̦i taamaö mö feduo. Wa bayeliblamaö bufi lä doblao wejei bä lä cui, inaja showawä, ö̦jö bä ma cui, Jeobaanö bä ca̦i nia bayeliblaö cuo —a cuma.

Génesis 49:9

’U̦asi. Cafä öla ocalo a waiteli lä culenaja wa cuwä. Wa nia fa niyablaonö, wa yäläalio. Wa fa isholunö, wa co̦a co̦layou. Inaja wa cuo däjä, ¿wedinö cafä wa li yabäcaö cuquei?

2 Crónicas 9:18

Bada a dicläobä etäcö lä cui, etäcö ösöjömaquemaje. Jödödöwä etäcö befi ca̦i jifuo showaoma. A nia lä dublaaö wei, 6 etäbä cuoma. Bei mamicö dicläcäobä, etäcö nia lä i̦tao wei etäcö ca̦i shadio mö feduo showaoma. ¿Ö̦jö tawä? Olo bä ja ö̦jö bä bluca tablalemaje. Bococu nia lä maqueo wei täcö ca̦i taa mö feduquemaje. Ö̦jö täcö mashi jamö, öla cäcöbä noleshi jo̦toa bolacamaquemaje.

Números 22:12

Abinaja Yai Bada a cuma, Balaama nija. —Fei bä nija wa nia nocaomi. Täbä wafäblaö ma bufii däjä, quiji wa bä nia wafäblaimi. Bä li bayeliblamobä bä li waiquiwä —a cuma.

Números 22:6

Bä nö wa̦lojaö yalo, yamacö nö doblobimi waiquiwä. Jabo, ö̦jö lä. Yamalecö bayeliblabä, wa bä nia wafäö. Inaja wa bä taamaö balöono wei ja, camiyä bei yamacö ishou nomöjöobä. Yama bä nö bleaamaö ja̦toquei. Yama bä yashublaö bälayou fa cui. Bäfä malä dale. Showadi wa wa̦ nö wa̦lojaö talei. Showadi wa täbä bayeliblamaö däjä, bä bayeliblamou. Wa täbä wafäö däjä, bä nö showadi bleaaö”, a nowa nia tamaje.

Números 23:24

¿Ö̦jö tawä? Quilii mlai ja, jai öla a waiteli jocädou lä culenaja bä cuwä. A nabä lä juu wei a waicaö showao mlao däjä, i̦yäbö waö showao mlao däjä, a nia yäläo buomi —Balaama a cuma.

Números 24:10

Ö̦jö däjä, Balaama a wa̦ ja Balaco a jushudou fa dodijilonö, imicö a̦ ca̦i shäoblou fe balojooma. Abinaja a nowa tama. —Camiyä nija bä nö lä nabämou wei wa bä wafäblabä bäfä fa nacalänö, 3 bäfä a̦ famabä ma cui, wa bä shino showadi bayelimadii dicowä.

Mateo 25:40

’¿Ö̦jö tawä? —Jesús a cuma—. Ö̦jö lä däjä, Bada ya yai lä cui, abinaja ya nia cudou. “Cafä wamacö nija ei ya wa̦ lä cui, bejedi lä ya wa̦. Iba ai bä wai cua lä bädale bä ma cui, ö̦jö wama bä lä bayeliblaö wei däjä, jai camiyä wamale bayeliblama, bämacö nofi tabou showadaoma”, ya nia cudou.

Mateo 25:45

Ö̦jö däjä, abinaja ya bä nowa nia taö. “Cafä wamacö nija ei ya wa̦ lä cui, bejedi lä ya wa̦. Iba ai bä wai cua lä bädale bä ma cui, ö̦jö wama bä bayeliblaö lä mlaono wei däjä, jai camiyä wamale bayeliblanomi wamacö cuoma”, ya bä nowa nia taö.

Hechos 9:5

—Bada tä —Saulo a cuma—. ¿Wedi bei wa jo̦wa? —Wale nö lä bleaamaö wei Jesús ya wa̦ —a cuma—.