Números 23:3 - Biblia Yanowamö

³ Ö̦jö däjä, Balaco nija abinaja Balaama a cuma. —Afä wa ö̦shö lä dodobole jamö wa ublao juo däjä, camiyä ya nia bayäcäblou. Jeobaanö wale yömölaö bäqueyoluu fa cui. Ya nö daodayou. Wale yömölalei ja, cafä nija ya tä a̦ wäyäö weicätä —a cuma. Ö̦jö däjä, tä lä ösöladi jamö a judayoma, fii fibä cua lä mlai jamö.

Números 23:3 Iomraidhean Croise

Génesis 22:13

Ö̦jö däjä, Ablaamönö tä möö fa cuaanö, yalo oweja a wa̦lo ja̦a dalalema. Baimi defi bococu ja yo̦lacö ja̦o däjä, a jucäo doblonomi. Ablaamönö a nabä icua fa showadaicunö, a juwälema. A fa shälönö, Jeobaa nija a ö̦sho dodobou showadaoma. Bei ijilubö e ö̦shö nia ma dodobono wei ma cui, yalo a yai ö̦shö dodoa majöquema.

Génesis 22:2

—Ijilufä wa moli lä tabole, Isaacö a lä cui, wa lä nofimaö wei, wa fa nocamalänö, Molia tä ulifi jamö a ca̦i da alufälö. Tä ulifi lä jefubö wei jamö wa ca̦i fa waloicunö, ya jefu lä jömaö wei jamö wa ca̦i fa dolequebofälönö, camiyä nija a da dodobojolu. Yalo bä ö̦shö dodobou lä cuaaö wejeinaja, wa dodobou cuo mö feduobä —a nowa tama.

Génesis 8:20

Abinaja Noewä a cuaaö nomöjöoma. Jeobaa nija, yalo a nia ö̦shö lä dodobono wei a yalo maqueabä, maa mabä yododomaquema. Ö̦jö däjä, bä lä juu wei bä ma cui, bä lä yäö wei bä ma cui, bä shami lä mlai ai bä yalo fa yaialalönö, bä shäalalema. Bä fa shäalalönö, Jeobaa nija tä waqueshi waloamadayobä, bä yalo lä dodoblamou wei bä maqueblamobä täcö ja, bä ö̦shömalema.

Levítico 1:1

Cama e yano jamö culanö, Jeobaanö Moisesi a fa nacalänö, abinaja e cuma.

Números 23:12

A wa̦ juo ja, abinaja Balaama a cuma. —Yai Bada tänö wale caficö a̦ lä famaö wei tä ja, ¿ya wa̦ shino yai shaliloimi daanö? —a cuma.

Números 23:15

Balaco nija abinaja Balaama a cuma. —Bayäcäle jamö Jeobaa ya mö baamaö däjä, afä wa ö̦shö lä dodobole jamö a ublaa da jeicu —a cuma.

Números 23:2

Balaama a lä cuno weinaja, inaja showawä Balaco a cuaaö showadaoma. Ö̦jö däjä, Balaco, Balaama sho cäcöbö fa icuicunö, yalo bä dodoblaböma. Bä yalo maqueblamobä täbä ja, baca a sho, oweja a sho, bä maquedaböö bolacadoma.

Números 23:26

Ö̦jö ma cui, Balaama abinaja a cuu mö feduoma. —Cafä nija ya wa̦ mada fablei. Jeobaanö wale nowa bluca lä taö weinaja, ya cuaaö cadidiobä ya malä cui —a cuma.

Números 23:4

Ö̦jamö lä, Yai Bada tänö Balaama a mö fa bamalönö, abinaja Balaama e cuma. —Yalo ya bä nia lä dodoblaö wei bä maqueblamobä täbä lä cui, 7 ya täbä i̦tabou waiquia. Ö̦jö täbä jamö, baca, oweja a sho, ya bä maquedaö bolacadou waiquia —e cuma.

Números 24:1

Jeobaanö Isaeli ebä bayeliblaö bufi lä doblaono wei tä dablaö däjä, Balaama a jaba lä cuaano weinaja a cuaaö co̦daanomi. Jeobaa a wa̦ nö dabou mö junomi. Tä ulifi lä bloque wei jamö a mö yaio cadidio showadaoma.

Mateo 4:8

Ö̦jö däjä, tä jefu ösöwä lä dodijii jamö, fecula badanö Jesús a bälaquedayoma. Ö̦jamö cäcöbö culanö, Jesús nija, bita jamö täbä jödödöwä bälöblawä lä yaiblai täbä jömaö cuaama, täbä madofibö nowa lä bluca wei bä ca̦i.