Números 22:9 - Biblia Yanowamö

⁹ Balaama nija Yai Bada tä wawälayoyoluma. Abinaja a cuma. —Cafä nijamö fei bä lä cule ¿wedi bei bä li? —a cuma.

Números 22:9 Iomraidhean Croise

Génesis 16:8

A fa dalalönö a wa̦lima. —Acala. Salai a nosie juamobä wa lä cui, ¿wedi ja wa culanö, eja wa li juu cuboyoi? ¿Wedi jamö wa nia fa junö bei wa? Abinaja a suwä cuma. —Salainö wale lä tabole a lä cuinö, wale nofi fa wa̦libonö, ya docuu lä cufe —a cuu mö feduoma.

Génesis 4:9

Ö̦jö a lä shäleno wei ja, Jeobaa a wa̦ fama. Caino a wa̦lima. —¿Wedi jamö fääshäfä bei a li? —a cuma. —Cuwi. ¿Wedi jamö a cua mada culawä? ¿Camiyänö ö̦jö ya nofi tabobä ya tawä? —Caino a jushuolibö ca̦i cuobloma.

Génesis 41:25

Ö̦jö däjä, abinaja Josénö bada a nowa tama. —Bada wa lä cui, wa tabimou ma bolacaono wei ma cui, tabi tä a̦ nia lä wawämamou wei, moli tä li waiquiwä. Yai Bada tä nia lä cuaaö wei, cafä bada wa nija, tä wawäa cadidia balömalema.

Éxodo 4:2

Ö̦jö däjä, Jeobaanö a wa̦lima. —Miji ¿wedi bei wa tä li bou cule? —a cuma. —Fii ya defi bou lä cule.

Números 22:10

Yai Bada tä nija abinaja Balaama a cuma. —Sibolo bä ijilubö Balaco e lä cuinö, Moaba ebä ca̦i lä culenö, bä camiyä nija lä shömano wei, fei bä li. Abinaja bä cuu.

Números 22:20

Balaama nija Yai Bada tä didi wawäa fe jalulayoma. Abinaja a cuma. —Fei bänö wa nacaö mö juu waiquiweje ja, cama bä nija a da yaulofälö. Ö̦jö ma cui, cafä bäfä tamaö lä bufii weinaja, wa nia shino cuaaö cadidio —a cuma.

Números 22:8

Cama bä nija abinaja Balaama a cuma. —Camiyä nija wamacö mio fe jalu balöobä. Fena ja bämacö yömölaö cadidio fenaobä. Jeobaanö wale yömölaö lä cuaaö weinaja ya wa̦no wäyäö cadidio wä —a fa cunö, Balaama nija Moaba ebä bada cuo fe jaluma.

Mateo 24:24

Bä lä jolemou wei bä nia malä wawäblou wei. Abinaja bä nia jole cuu. “Yai Bada tänö wale shömabä, camiyä wale yailema”, bä nia jole cuu. Yai Bada a wa̦no jole jole lä wäyäö wejei bä ma cui, ö̦jö bä nia ca̦i wawäö mö feduo. Yai Bada a mayo nia jole wawämaöje. Tä nö lä quilijii tä nia ca̦i bluca wawämaö fe yadioje, täbä bufi fa taamajenö, täbä yaclämabeje. Yai Bada ebä lä yaimabole bä ma cui, ö̦jö bä bufi taamaö fe yadiobeje bä nia wabäodii.

Mateo 7:22

Fayänö täbä yanowamö nia lä jömaö wei etä cublou däjä, abinaja bluca täbä nia cublaloyoluu. “¡Bada tä, Bada tä! Cafä wa wa̦nö, ¿Yai Bada yama tä a̦ wäyänomi daanö? ¿Fecula yama bä ca̦i yashunomi? Tä nö lä quilijii, ¿yama tä bluca ca̦i wawämanomi?”, bä nia cublaloyoluu.

Juan 11:51

Cama a bufi lä cuu weinaja, a wa̦ bädao cuonomi. Nofi bäyäalewä ö̦jö däjä a bada läoma cudeenö, ö̦jö nijamö Yai Bada a wa̦no tamou ja̦tooma. Judio bä bluca bayeliblamobä, Jesús a nia shämou lä läono wei, ö̦jö tä a̦fa yai wäyäö ja̦tooma.