Números 22:6 - Biblia Yanowamö

⁶ Bä nö wa̦lojaö yalo, yamacö nö doblobimi waiquiwä. Jabo, ö̦jö lä. Yamalecö bayeliblabä, wa bä nia wafäö. Inaja wa bä taamaö balöono wei ja, camiyä bei yamacö ishou nomöjöobä. Yama bä nö bleaamaö ja̦toquei. Yama bä yashublaö bälayou fa cui. Bäfä malä dale. Showadi wa wa̦ nö wa̦lojaö talei. Showadi wa täbä bayeliblamaö däjä, bä bayeliblamou. Wa täbä wafäö däjä, bä nö showadi bleaaö”, a nowa nia tamaje.

Números 22:6 Iomraidhean Croise

Génesis 12:3

’Cafä wa lä bayeliblaö wejei bä lä cui, inaja showawä, cama bä ma cui, ya bä nia bayeliblaö cuo mö feduo. Wa nö lä bleaamaö wejei bä lä cui, inaja showawä, cama bä ma cui, ya bä nö nia bleaamaö cuo mö feduo. Cafä bäfä bayelibou fa balöonö, bluca bä bälöjöwä lä yaiblai, afä a nodiwä nija, bä nia bayeliblamou nomöjöo —Jeobaa a cuma.

Génesis 27:29

’Wa fa bayeliblalönö, bluca täbä lä bälöblai, cafä nija bä nosiemamobä —a cuma—. Afä bä mashi ma cui, cafänö wa bä nosiemabä. Bä bälöjou lä yaiblai, cafä nija showadi bä möfe boobä. Naafä bä ijilubö ma cui, wa ebä möfe ca̦i bomabobä. Wa nö bleaamaö bufi lä doblao wejei bä lä cui, inaja showawä Jeobaanö cama bä nia ca̦i taamaö mö feduo. Wa bayeliblamaö bufi lä doblao wejei bä lä cui, inaja showawä, ö̦jö bä ma cui, Jeobaanö bä ca̦i nia bayeliblaö cuo —a cuma.

Números 22:12

Abinaja Yai Bada a cuma, Balaama nija. —Fei bä nija wa nia nocaomi. Täbä wafäblaö ma bufii däjä, quiji wa bä nia wafäblaimi. Bä li bayeliblamobä bä li waiquiwä —a cuma.

Números 22:17

Balaconö bluca täbä nija wawädowä wa nia bada ublamabou. Wa lä nacou wei wa wa̦ nia ji̦liaö. ¿Ö̦jö tawä? Jabo. Yamalecö bayeliblabä, quiji täbä lä bälöle wa bä nia wafäblaö —bä cuma.

Números 23:13

Balaco abinaja a cuu nomöjöoma. —Jabo. Wa bä bebiblaa dablaö co̦obä, ai tä jamö bäfäcö nia dolecou co̦ofälöö. Bluca wa bä nia dablaimi, bä bälöa lä ajedele wa bä nia shino bebiblaa möö co̦o. Ö̦jamö wa culanö, wa bä nia yai wafäblaö, wale bayeliblabä —a cuma.

Números 23:27

Balaama nija abinaja Balaco a cuma. —Bei. Jabo. Ai tä jamö bäfä nia lulubou nomöjöodayou. Ö̦jamö wa cuo däjä, Yai Bada tänö bä wafäblamaö ja̦toa bäquei fa cui, wale bayeliblabä —a cuma.

Números 24:9

¿Ö̦jö tawä? Öla a wa̦shimi jolou däjä a yäläo lä culenaja bä cuwä. ¿Wedinö a li yabäcaö cuquei? Isaeli ebä bayelimaö lä bufii wejei, bä nia li cama bayeliblamou mö feduo. Bä wafäblamaö lä bufii wejei, bä nia li cama wafäblamou —Balaama a cuma.

Hechos 16:16

Yai Bada nija bä nö bayeli nacaobä jamö, yamacö juu co̦o däjä, bä nosie juamobä a suwä lä tabono wejei a lä cui, yama a mö bamalema. A feculaoma. A fecula lä bälöono wei a wa̦nö, a wa̦ suwä shomioma. Tä nia lä cublou wei tä a̦ wawämaö balöoma. Ö̦jö a wa̦ ji̦lii bufi doblaomaje cudeenö, a suwä lä tabono wejei bä lä cuinö, blada bä fa nacajenö, a wa̦ ji̦limamaje. Cama suwä a wa̦ ja, blada bluca bä däamaje.

1 Samuel 17:43

Ö̦jö däjä, abenaja David a nowa tama. —¿Ji̦ima bei ya daanö, fii finö wale shäblalabä? Inaja a fa cunö, David a wajäblama. Cama ebä lä bufiblale ebä lija, a nabä shimöa showadaquema.