Números 22:4 - Biblia Yanowamö

⁴ Madianateli bä bada nija abinaja Moaba ebä cuma. —Quiji bä bluca lä juimi bänö, bämacö ulifibö mö nia watäblaöje. Baca bänö moimoima bä waicaö nö mlao lä culajeinaja bämalecö nia tablaöje—bä cuma. Ö̦jö cudeenö, Sibolo bä ijilubö Balaco e lä cui, Moaba ebä ca̦i lä cuono wei a bada showawä lä cui,

Números 22:4 Iomraidhean Croise

Éxodo 15:15

Edomöteli bä bada ma cui, bä bufi jo̦lijiblalou lä cule. Moaba ebä bada ma cui, quili quili tänö bä blösö blösömou. Canaanateli bä bluca ma cui, bä bufi nö wa̦lobloimi waiquiwä.

Números 22:2

Bei. Isaeli ebä lä cuinö, amoleo bä taamaö lä cuaaimano wejei tä ja, Balaco a moyawälayoma, Sibolo bä ijilubö e lä cui.

Números 22:7

Ö̦jö cudeenö, Moaba ebä bada sho, Madianateli bä ca̦i bada sho, bä alayofälöma. Isaeli ebä wafäblaö ja, tä nowa nia lä coamano wejei, bä blada ca̦i showabomaje. Balaama nija bä fa waloicunö, Balaco a wa̦no bada wäyämaje.

Números 24:17

’A nia obi lä cuo wei ya tä möö —a cuma—. Ya blajawä dablaö balöa lä cule. Jacobo ai e lä cui, jai shidicali a nia bada bädou. Isaeli ai e lä cui, bada a nia bada wawäblou. Moabateli bä fe nia bada shäamaö. Sede ebä fe nia ca̦i shäamaö.

Jueces 11:25

’¿Ö̦jö tawä? —bä cuu co̦oma—. Moabateli a bada cuo lä balöono wei, Sibolo bä ijilubö Balaco a lä cui, ö̦jö a nö wa̦lojano ma mlai ma cui, ¿cafä bei wa nö nia shi̦lo yai wa̦lojaö daanö? Ö̦jö a lä cui, Isaeli yamalecö wabaö mlai ja, yamalecö naba queo mö bao mlai ja, a yanöcöoma.

Jueces 6:1

Ö̦jö däjä, Isaeli ebä lä cuinö, Jeobaanö tä tamaö nofi lä wa̦libou wei tä taöje ja, Madianateli bä lija bä noshi ö̦jödabou majöoma. Madianateli bä lija bä nö bleaamamou showao däjä, lasha 7 a famalemaje.