Números 22:11 - Biblia Yanowamö

¹¹ Ejido jamö culanö, shomiteli bä fa juimanö, bä jo̦wa cublawä jödödöwä. Bä wafäblamaö fa bufiojenö, wale bulaöje. Inaja ya bä taamaö balöono wei ja, cama bä nia jo̦wa ishou nomöjöo. Bä yashublaö wababeje —a cuma.

Números 22:11 Iomraidhean Croise

Génesis 27:29

’Wa fa bayeliblalönö, bluca täbä lä bälöblai, cafä nija bä nosiemamobä —a cuma—. Afä bä mashi ma cui, cafänö wa bä nosiemabä. Bä bälöjou lä yaiblai, cafä nija showadi bä möfe boobä. Naafä bä ijilubö ma cui, wa ebä möfe ca̦i bomabobä. Wa nö bleaamaö bufi lä doblao wejei bä lä cui, inaja showawä Jeobaanö cama bä nia ca̦i taamaö mö feduo. Wa bayeliblamaö bufi lä doblao wejei bä lä cui, inaja showawä, ö̦jö bä ma cui, Jeobaanö bä ca̦i nia bayeliblaö cuo —a cuma.

Números 22:10

Yai Bada tä nija abinaja Balaama a cuma. —Sibolo bä ijilubö Balaco e lä cuinö, Moaba ebä ca̦i lä culenö, bä camiyä nija lä shömano wei, fei bä li. Abinaja bä cuu.

Números 22:12

Abinaja Yai Bada a cuma, Balaama nija. —Fei bä nija wa nia nocaomi. Täbä wafäblaö ma bufii däjä, quiji wa bä nia wafäblaimi. Bä li bayeliblamobä bä li waiquiwä —a cuma.

Números 23:11

Ö̦jö däjä, Balaama nija abinaja Balaco a cuma. —¿Wedinaja wale li taamaö dicoa cule? Camiyä nija bä nö lä nabämou wei wa bä wafäblabä bäfä ma nacaleno wei ma cui, wa bä wafäblaö mlai ja, bei wa bä li bayelimaö bufi doblao dicoo —a cuma.

Números 23:7

Ö̦jö däjä, Balaamanö Jeobaa a wa̦no wäyäö ja, abinaja a cuma. —Alamö jamö ya cuo däjä wale nacalema. Motoca a faö lä cuaaimaö wei jamö, ö̦jö mabä bei jamö ya cuo däjä, Moabateli bada anö wale nacalema, Balaco a lä cuinö. ’Abinaja wale nowa tama. “Jabo. Yamalecö bayeliblabä, fei Jacobo ebä lä cui, wa bä nia wafäblaö. Fei Isaeli ebä lä cui, wa bä a̦fa nia wäyäö”, wale nowa tama.

Números 24:10

Ö̦jö däjä, Balaama a wa̦ ja Balaco a jushudou fa dodijilonö, imicö a̦ ca̦i shäoblou fe balojooma. Abinaja a nowa tama. —Camiyä nija bä nö lä nabämou wei wa bä wafäblabä bäfä fa nacalänö, 3 bäfä a̦ famabä ma cui, wa bä shino showadi bayelimadii dicowä.

1 Samuel 17:43

Ö̦jö däjä, abenaja David a nowa tama. —¿Ji̦ima bei ya daanö, fii finö wale shäblalabä? Inaja a fa cunö, David a wajäblama. Cama ebä lä bufiblale ebä lija, a nabä shimöa showadaquema.