Números 21:9 - Biblia Yanowamö

⁹ Einaja Jeobaa a cuma cudeenö, duo shibä ja Moisesinö olu cäcö nö idubö basublalema. Fii fi jamö cäcö fa shadimacönö, olu bänö bä si lä wädöno wejei bä lä cui, cäcö nö idubö mödaöje däjä, bä demi cuo fe yadioma.

Números 21:9 Iomraidhean Croise

Juan 1:29

Ö̦jö tä fena ja, Jesús a juu fa dalalönö, Juan a wa̦ fama. —¡Ei, ei! Quiji a lä cui, Yai Bada tänö a shömölema. Oweja a wa̦fa ocalo lä jilamou wei a. Bita jamö täbä lä bälöblai täbä nowa wa̦lidiwä mladamabä, a nia lä shämou wei, ö̦jö lä a.

Juan 12:32

Camiyä ya lä cui, ya befi ca̦i nia i̦tao. Ö̦jö däjä, bluca bä lä bälöblai, camiyä nija ya bä nia ajedamaö —a cuma.

Juan 6:40

Abinaja Fayänö täbä taamaö bufi doblao malä cui. Bä Ijilubö wale nö yai lä ö̦jöböaö wejei bä lä cui, wale a̦ bejedi bufiije ja, bä ba̦limi tamabou bufi doblao. Tä lä jödödöblole däjä, ö̦jö ya bä nia demi jocädamaö co̦o —a cuma.

Romanos 1:17

Ö̦jö etä a̦ dodijidawä lä cui jamö, Yai Bada tänö bämalecö nofi tabou fe lä yadio wei tä dablamou. Bäma tä a̦ nofi yai lä mölabou wei tänö, jai bämacö cadejewä waiquiwä bämalecö nofi tabou. Ö̦jö tä shi̦lonö. Yai Bada tä a̦ oni lä cuu weinaja showawä. Abenaja tä a̦ cuu. Cama a nofi mölabouje yalo, jai bä cadejewä waiquiwä Yai Bada tänö bä nofi tabou. Ö̦jö bä lä cui bä nia shi̦lo yai demi cuo. Einaja tä a̦ cuu.

Romanos 8:3

¿Ö̦jö tawä? Yanowamö bämacö showadi dobloimi yalo, Moisesinö tä a̦ ma lämaqueno wei ma cui, ö̦jö tä a̦ ja, bämacö nö bayeli cublobimi waiquiwä. Ö̦jö ma cui, Yai Bada tänö bämalecö bayeliblaö fe yadioma. Cama bä Ijilubö e fa shimölödunö, e yanowamöblaleyoluma. Bämacö doblou lä mlai tä nowa ja, a shämou läobä. Bä Ijilubö e lija tä nowa mladamabä, a shämalema,

2 Corintios 5:21

Cristonö wa̦lidiwä tä dano ma mlai ma cui, camiyä bämacö bayeliblamobä, bäma tä wa̦lidiwä lä tano wei Cristo lija tä yädämaquema. Camiyä bämacö lija, Cristo dodijidawä etä lä cui etä yädäo mö feduobä. Cristo lija bämacö bufi fa cuicunö, Yai Bada lija bämacö dodijidawä dablamou fe yadiobä.

Hebreos 12:2

Jesús lija bämacö bufi mö shi̦lo yai da cudio, bämalecö lä lulubou wei a lä cui lija. Bämacö mölaö showaobä bämalecö bufi lofotomabou. Fii balitama tefi ja a nö bleaabä etä ma cuono wei ma cui, a bufi nia doblao ca̦i cuo lä majöono wei tä bufiboma yalo, a ojodao fe yadioma. Jai wa̦lidiwä talewä a nia mömou ma cuono wei ma cui, a bufi quilinomi. Inaja a cuaaö fe yadioma yalo, fei däjä Yai Bada jayu boco mashi jamö a dicäadayoa.

1 Juan 3:8

Wa̦lidiwä tä lä taö wejei, fecula bada ö̦jö ebä li. Jaba däjä ma cui, ö̦jönö tä wa̦lidiwä taö malä showadaono wei. ¿Ö̦jö tawä? Fecula badanö tä lä taö wei etä wa̦liabä, Yai Bada bei Ijilubö e wawälayoyoluma.