Números 21:5 - Biblia Yanowamö

⁵ Yai Bada a wa̦fa tamaje. Moisesi a ma cui, a wa̦fa ca̦i tamaje. —¿Wedi tä tabä ei tä ulifi lä blocole jamö yamacö nomabä, Ejido jamö yamalecö co̦lei cublelei? Eja nii bä cuami. Mau u ca̦i cuami. Fei yama täbä showadi lä waö wei, ya̦cumö yama täbä wa̦li waö mojiaö dodijia lä cule —bä cuma.

Números 21:5 Iomraidhean Croise

Éxodo 14:11

Moisesi nija bä ca̦i jölama. —Cafänö ¿wedinaja yamalecö yai nia fa taamanö, Ejido jamö yamalecö li co̦a dicoblalema? Ejido jamö bä nomawä didiobä tä cabä cuami yalo, “Ulifi bloque jamö ya bä yai nomablamabä”, ¿bei yamalecö nofi li taboma daanö?

Éxodo 15:24

Ö̦jö däjä, bä amishili fa jushuonö, Moisesi a wa̦fa tamaje. —¿Wedi jamö ubä ja yamacö amishi yai li co̦obä?

Éxodo 16:15

Isaeli ebä lä cuinö täbä fa möjenö, —¿Wedi bei täbä li?—bä nowa tayolayoma. Täbä daö balöono malä mlajei. Moisesinö abinaja bä nowa tama. —Wama täbä wabä, Jeobaanö wamacö nia lä dobäno wei täbä.

Éxodo 16:31

Bei. Ö̦jö täbä nii wai lä bläläno wei täbä lä cui, manaa täbä a̦fa jilabomaje, Isaeli ebä lä cuinö. Nii bä jamö bä jenabä wai lä ca̦bou wejei mobä au lä culenaja, täbä au cuoma. Jai buu ubä coyocoa, täbä wamou cuoma.

Números 11:20

Bä iyaö showao däjä, ai a belibo nia famaö co̦oje. Bä jaba lä iyano wei tä jalu cublou co̦o däjä, bä nia iyaö waiquidou. Ya̦cumö, bei bä fiyocacö jamö bä nia yalo fablou. Yalo bä ja bä camishi nia yoluu. Camiyä Jeobaa yanö ya bä ca̦i lä cule wale waii dicooje yalo, inaja ya bä nia taamaö. Camiyä ya lä cule jamö bä a̦ nacli malä fano wei, bä nofi ojode tablamobä. “¿Wedi tabä Ejido bäma tä ulifi tabi li feia dicoquema?”, bä malä cuno wei —Jeobaa a cuma.

Números 16:41

Ö̦jö ma cui, ö̦jö tä fena ja, Isaeli ebä bluca lä culenö, Moisesi, Aaloni cäcöbö nabä fa icuicöjenö, bä a̦ bufi jushujuwä ca̦i faö co̦oma. —Cafä wafäcönö Jeobaa wafä ebä shämalema —bä cuma.

Números 17:12

Ö̦jö däjä, Moisesi nija abinaja Isaeli ebä cuma. —¡Bämacö mö watäamou a lä cule! ¡Bämacö nö blea waiquia! ¡Bämacö nö bluca blea!

1 Corintios 10:9

Yai Bada bäma a jushuo ca̦i lulubou mlai. Inaja ai bä cuaaö fa dicoonö, olu bänö bä bluca waicama.