Números 21:4 - Biblia Yanowamö

⁴ Olo cäcö tabi fa feicöfälöjenö, modu Wacä u jamö yo shadia mö lä cui jamö bä aa culayofälöma, Edomöteli bä ulifibö jamö bä a̦yoafälöbä. Bä lä juimadi jamö, ya̦cumö bä bufi wa̦lidiaafälöma.

Números 21:4 Iomraidhean Croise

Éxodo 6:9

Inaja showawä, Isaeli ebä nija Moisesi a ma cuno wei ma cui, bä bufi doblaonomi waiquiwä cudeenö, a wa̦ ca̦i ji̦liblanomije. Bä shi lä wa̦limabono wejei jamö bä nö bleaamaö fe balojoomaje cudeenö, a wa̦ ma faö wei, a wa̦ ji̦liblanomije.

Números 14:25

’Bei —a cuma—. Täbä yalö lä möamobe jamö, Amalecoteli bä sho, Canaanateli bä sho bä bälöjöwä waiquiwä yalo, fena ja wamacö mö nia yabaaö co̦o showadaofälöö. Tä ulifi lä bloque wei jamö wamacö waloobä, modu Wacä u jamö yo shadia mö lä cule jamö bä ca̦i da juläfälö —a cuma.

Números 20:27

Inaja Moisesi a cuaaö cadidioma, Jeobaanö a nowa lä tano weinaja showawä. Cama Isaeli ebä mamo bluca showao däjä, Olo cäcö jamö cäcöbö ca̦i dolequebefälöma.

Números 32:7

Cafä wamacö juu lä mlai tänö, aifä wama bä bufi nia ujudamaö dicoo. Isaeli ebä nija Jeobaanö tä ulifi lä jöböqueno wei jamö, cama bä nia ca̦i juu mojio mö feduo showao. Inaja dicoo mlai –Moisesi a cuma.

Hechos 14:22

Cäcöbö jayuaö co̦lanö, Jesucristo nija bä lä nocao wei, ebä bufi lojodoamaböö cuaaö co̦ofälöma. A nofi mölabou fe yadiobeje, bä yömölaböö cuaama. Abinaja bä nowa taböma. —Yai Bada tänö cama ebä nia ca̦i lä cuo wei tä cublou showao mlao däjä, bämacö yanöcöobä tä cuami waiquiwä. Jesucristo bäma a nofi lä mölabou wei, showadi bämalecö nö nia bleaamaöje —bä nowa taböö jayuaö co̦ofälöma.

Jueces 11:18

’Ö̦jö däjä, ulufi bloque jamö yamacö fua fa co̦lufälönö, Edomöteli bä ulufibö jamö yamacö a̦yoquefälöma —bä cuu co̦oma—. Moaba ebä ulufibö ma cui ja, ö̦jamö yamacö ca̦i a̦yoa showaquefälöma. Inaja yamacö fa cuaaimadunö, Moaba ebä ulufibö casö ajede jamö yamacö waloaliyoma, motoca a lä cuaaimaö wei tä mashi jamö. Anono u bucadu mashi ja, yamacö bälöblaquema. Ö̦jö ma cui, Moabateli yama bä ulufibö ca̦i möö bädaonomi. Moaba ebä bälöo fe lä wädöono wei, ö̦jö u Anono malä cuono wei.