Números 20:8 - Biblia Yanowamö

⁸ —Ö̦jö fii wa defi fa dälänö, a̦iyofä Aaloni sho wafäcönö, Isaeli wafä ebä bluca nia yododoamaö. Bä mamo bluca showao däjä, ö̦jö maa ma ja wa wa̦ fa fanö, u̦eshi jamö mau ubä lä cule ubä famaö da bufi. Inaja wa cuu ja, mau wa u bada nia famaö, cama bä ma cui, cama bä yalobö ma cui, bä amishi bluca co̦obä —a cuma.

Números 20:8 Iomraidhean Croise

Génesis 18:14

Camiyä Jeobaa yale doblamaö mlaobä tä cuami. Obi, ei a belibo cublou co̦o däjä, bäfä fe waloo co̦o weicätä. Ya wa̦ nö wäo malä waiquiofe. Ö̦jö däjä, Saranö bei ijilubö e nia tabou —a cuma.

Éxodo 14:16

Fii wa defi lä bole, modu u jamö defi yalejea da tadalö. Ö̦jamö wa defi dodobolanö, modu uca da yacläblamalö, wejediwä tä jamö Isaeli wama ecö bucaduobä.

Éxodo 4:17

Ei fii defi lä cui, wa defi fa däläfälönö, wa defi ca̦i juu showadaobä. Ei definö, tä nö lä quilijii tä bluca wawämamobä —a cuma.

Éxodo 4:2

Ö̦jö däjä, Jeobaanö a wa̦lima. —Miji ¿wedi bei wa tä li bou cule? —a cuma. —Fii ya defi bou lä cule.

Éxodo 4:20

Ö̦jö cudeenö, bei suwäbö, bei ijilubö ecöbö, ö̦jö bä nacaa fa showaläfälönö, cama yalo bulo e jamö bä bluca döcämalefälöma. Ö̦jö däjä, Yai Bada tänö defi nabä lä shömano wei defi fa showaläfälönö, Ejido jamö bä ca̦i co̦a co̦layofälöma.

Éxodo 7:20

Jeobaanö cäcöbö nowa lä tano weinaja, inaja showawä Moisesi, Aaloni sho cäcöbö cuaama. Bada a mamo showao däjä, cama ebä lä yädämabono wei ebä mamo ca̦i showao däjä, fii defi fa yalejedalönö, Nilo u shäquema. Nilo bluca ubä lä cublai, ubä i̦yäo showaolaliyoma.

Números 20:11

Ö̦jö däjä, Moisesi boco fa yalejedalunö, fii finö ma shäa bolacaquema. Ma fa shäcönö, mau u bada bluca faa showadaaliyoma. Isaeli ebä bluca lä cule, bä yalobö ma cui, bä amishi bluca co̦o showadaoma.

Números 20:7

abinaja Moisesi nija Jeobaa a cuma.

Números 21:15

Ala tä ulifi fe yalöwä lä wädöle jamö, Moaba ebä ulifibö casö jamö, tä fe yalöjöwä wädöa lä showale jamö. Einaja tä a̦ oni cuu.

Números 21:18

Bä ca̦i lä cuono wejei bänö, uca lä tano wejei, bada bänö uca lä dalomaleno wejei. Bada bänö fii e defibä lä showabono wejei e defibänö, e u famalemaje. Fimo bänö e u dilosholemaje. Einaja bä amowabö a̦ cuma. Ulifi bloque jamö culanö, bä jocäö lä co̦ofälöö wei, Madana jamö bä fa waloicöfälönö,

Mateo 21:21

Abinaja Jesús a cuma. —Wedinaja mlai. Yai Bada a nofi yai shino da mölaboje, ö̦jö lä. Cafä wamacö nija ei ya wa̦ lä cui, bejedi lä ya wa̦. Wamacö bufi ujudublou mlai ja, Yai Bada wama a nofi mölabolanö wamacö a̦ faö däjä, tä nia cublou. Ico ya fi lä tablamalufenaja bädawä mlai, quiji a jefu ma cui, wama a nowa taö ja, a nia majöblou. “¡Jefu a da ucäblalufälö! ¡Modu u jamö, a da shäyablamobalu!”, wama a nowa taö däjä, a nia jefu queamamou.

Lucas 11:13

Wa̦lidiwä talewä wamacö ma cui, dodijidawä ijilufä wama bä dobäö daö waiquiwä ja lä, Fayä fedu jamö a lä culadi, ö̦jö bei a nia shino yai dodijaö fe balojoo. Cama Yai Bada tä Bufi lä nacaö wejei bä nija a Bufi jöbömoquei —Jesús a cuma.

Juan 16:24

Fayä nija, camiyä ya wa̦nö wamacö nö bayeli nacaomi showawä. Bä da naco. Wamacö nö bayeli fa nacaonö, wamacö nia dobäö, wamacö bufi yai doblalou fe balojoobä —a cuma.

Hechos 1:14

Ö̦jö bä lä cui, Yai Bada nija showadi bä a̦ fadima. Ö̦jö bä ma cui, suwä bä ma cui, Jesús bä nöö María e ma cui, Jesús bä fääshä ebä ma cui, inaja bä bluca cuoma.

Josué 6:20

Josuénö bä nowa taö ja, täbä a̦ shi dolayoma, yalo yo̦labä ca̦i folamaje. ¿Ö̦jö tawä? Yo̦labä a̦ fa ji̦liläjenö, yedu bä a̦ shi bluca doa fa showalönö, ala nabä blälälaliyoma. Ala nabä bläläa fa showadaolalunö, shabono jamö bä bluca fablou cuaaö showadaoma. Cama bä nö wa̦lojaö fa ayaonö, bä shabonobö befi ca̦i bluca däalalemaje.

Josué 6:5

Yalo yo̦labä lä folaö wejei bä a̦ fe dicäblou däjä, ö̦jö wama bä a̦ yai ji̦liaö ja, wamacö a̦ shi nia bluca dou. Wamacö a̦ shi dou däjä, ala nabä nia bläläö showadao. Ö̦jö däjä, bluca wamacö fe lä fayole jamö culanö, wamacö nia fablou cuaaö showadao —a cuma.

Apocalipsis 22:1

Ö̦jö däjä a̦jele a lä cuinö, camiyä nija ba̦limiblamamodima u damalalema. U mömou walalawä dodijidaoma. Yai Bada tä döcäobä etäcö cotä jamö culanö u fa falönö u caläma, Oweja a wa̦fa ocalo lä jilamou wei a ca̦i lä döcäo wei jamö.

Apocalipsis 22:17

Yai Bada tä Bufi a̦ faö. Oweja a wa̦fa ocalo lä jilamou wei bä suwäbö e a̦ ca̦i faö. Abinaja cäcöbö cuu. —¡Bä da jabo! —cäcöbö cuu. Ei wama tä a̦ lä ji̦lile wamacö ma cui, wamacö a̦ ca̦i fabä. —¡Bä da jabo! —wamacö cubä. Bä lä amishaö wei bä lä cui bä juimabä, ö̦jö lä. Bä lä bufio wei bä lä cuinö, no mlai ja ba̦limiblamodima u coayolubeje.