Números 20:1 - Biblia Yanowamö

¹ Jaba a belibo ja, Sini tä ulifi lä blocole jamö Isaeli ebä waloquema. Ö̦jamö cama bä bluca fa waloicunö, Cadesi jamö bä bälöblaquema. Ö̦jamö bä bälöo däjä, María a bufi mlaquema. Ö̦jamö a didiquemaje.

Números 20:1 Iomraidhean Croise

Génesis 14:7

Ö̦jamö bä bluca fa tamalöjenö, bä mö yabaö fa co̦imanö, Emibada tä ulifi jamö bä ishou nomöjöoma, ö̦jö Cadesi tä a̦fa ulifi ca̦i lä cule jamö. Amalecoteli bä jödödöwä lä bälöono wei, bä nabä quea fa nomöjöalujenö, amoleo bä nö ca̦i bleaamaö mö feduo showaomaje, Asesodama tä ulifi jamö bä jilao mö lä feduono wei bä lä cui.

Éxodo 15:20

Ö̦jö däjä, Aaloni bei amiyobö e amowamobä a wawäblaliyoma, Jeobaa a wa̦no wäyälewä a suwä lä cui. María a wa̦fa lä cule. Täbä a̦ madofi lä jutäö wejei cama etä fa dälänö, ai bä suwä lä cui, cama nija bä a̦ bluca wawäblou mö fedulayoma. Madofi täbä a̦ jutäbeje, bä däa mö fa fedualalöjenö, bä a̦ ca̦i blaöama.

Éxodo 2:4

Bei amiyobönö a nö nia fa daanö, a ublao bayäcäo juoyoluma.

Éxodo 2:7

Ö̦jö däjä, ijilu a lä cui, bei amiyobö a fa blacäliyonö, bada bä tää e nija e a̦ fama. —Afä a shadimabobä, ¿ebleo a suwä ijilubö ca̦i lä cule, ya nacajalayobä tawä? —a cuma.

Números 12:1

Moisesinö Ediobiateliyoma a suwä dälema yalo, ö̦jö a suwä nowa ja, bä amiyobö María a ma cuinö, bä a̦iyobö Aaloni a ma cuinö, Moisesi a wa̦fa taböma.

Números 12:10

Jeobaa e yano jamö culanö, ölajashi a ösöa co̦layono wei ja, María a wa̦lidiwä damoa jälaliyoma. Täbä sicö lä jodemaö wei tä wayunö, sicö mömou au nö quilijio nö mlaoma. María nija Aaloni a mö fa yaiicunö, sicö jode dalalema.

Números 12:15

Ö̦jö cudeenö, täbä lä bälöle tä sibo jamö, María a ji̦colobouje däjä, 7 tä mö didi tablamalemaje. Bä jocäö showadaofälöö mlai ja, María a nia faö lä co̦o wei tä nö dabou balöomaje.

Números 13:21

Bä aa fa showadaalunö, tä ulifi bluca bomaö cuaamaje. Sini tä ulifi lä blocole tä ulifi jaba fa bomöcöfälöjenö, täbä ulifi bluca bomaö cuaaö showaoje däjä, Leobo tä ulifi jamö bä waloquema, Amada yo lä bale jamö.

Números 13:26

Balana tä ulifi lä blocole jamö bä waloa fa co̦icunö, Cadesi jamö bä co̦blaliyoma, Moisesi, Aaloni sho cäcöbö lä cuinö Isaeli ebä ca̦i bluca lä cuböono wei jamö. Ö̦jö bä bluca nija tä a̦ wäyäö showadaojolomaje. Nii bä ca̦i waloa lä co̦queno wejei bä ca̦i mömamaje.

Números 20:16

Yamacö nofi nia ojode fa tablamonö, Jeobaa nija yamacö a̦ nacläama. Yamacö a̦ fa nacläanö yamalecö a̦ ji̦lilema. Jeobaa etä a̦jele fa shömölödunö, Ejido jamö yamalecö co̦lema. Fei däjä Cadesi jamö yamacö bälöblaa lä cule, cafä wamacö sibobö ajede ja.

Números 20:22

Cadesi tä ulifi jamö culanö Isaeli ebä aa fa culofälönö, Olo cäcö däjämö cama bä bluca waloquema.

Números 20:28

Ö̦jamö lä, Moisesinö Aaloni camishi ebä jayublamaledayoma. Bä fa jayublamalödunö, ö̦jö ebä ja, bä ijilubö Eleasala a didia nomöjömaquema. Ö̦jö cäcö bololo showawä ja, Aaloni a bufi mlaa showadaquedayoma. Ö̦jö däjä, Moisesi, Eleasala sho cäcöbö dömöa co̦baliyofälöma.

Jueces 11:16

Ejido yama tä ulufi lä daqueno wei däjä, tä ulufi bloque jamö Isaeli yama ecö jayuaö fa cuaaimadunö, modu Wacä u jamö yamacö fuu fa cuaaimadunö, Cadesi jamö yamacö waloa bucaduquema.