Números 17:10 - Biblia Yanowamö

¹⁰ Moisesi nija abinaja Jeobaa a cuma. —Bei. Ya wa̦no oni lä didile defi ca lä cule jamö, Aaloni e defi taa da co̦cu. Ö̦jamö showadi e defi nia cudio. Bä ja̦amodou lä mlai bä nija, ö̦jö wa e defi nofi jaducumabolanö, mamicai wa bä tamabobä. Camiyä nija bä a̦ bufi jushujuwä ca̦i faö dicoo ja, bä nomablou mlaobä —a Jeobaa cuma.

Números 17:10 Iomraidhean Croise

Éxodo 16:32

Abinaja Moisesi a cuma. —Jeobaanö, ei bä ja, abinaja bämalecö taamaö bufii lä cule. Ca̦ö moli fesi ja, bäma bä fe fa lajoblalönö, bäma bä nia befi ca̦i tabodii. Ö̦jö däjä, camiyä bämacö ijilubö nodiwä lä cuinö, ö̦jö bä dablaöje ja, bä bufi nia jaducublou nodio. “Ejido jamö Jeobaanö bämacö nö badabö fa co̦lönö, ulifi bloque jamö bä iyamaö lä cuaafälöno wei däjä, ei täbä ja, bä iyaö dodijioma”, bä nofi nia tabou juoje —Moisesi a cuma.

Éxodo 16:34

Moisesi nija Jeobaanö tä tamaö lä bufino wei tä ja, Aaloni a cadidou showaoma. Bä didiodibä, Jeobaa a wa̦no oni befi ca̦i lä i̦tale jamö, bä befi ca̦i i̦taa ajedea showaquema.

Números 14:5

Ö̦jö däjä, cama Isaeli ebä mamo bluca mötale ja, mashita jamö Moisesi, Aaloni sho cäcöbö möfe boblaquema, Jeobaa nija.

Números 16:21

—Fei täbä bluca lä cule bä nija cäcöbö da bayäcälö, ya täbä mö watäblaö showadaobä —a cuma.

Números 16:38

täbä doblou fa mlacunö täbä mö lä watäblamolufe etäbä madofi lä cui. Camiyä Jeobaa ya nija täbä dodobomaje cudeenö, täbä yaia. ’Ö̦jö cudeenö, wa täbä yadicamaö fa bufinö, täbä nia faujublamaöje —a cuma—. Jenasiwä täbä nia tablaöje. Ö̦jö däjä, ö̦jö lä täbä jenasiwänö, yalo bä lä dodoblamou wei bä maqueblamobä täcö lä cui, täcö fe nia yojoblaöje. Inaja wamacö fa cuaanö, Isaeli ebä lä cuinö täcö dablaöje däjä, ya lä cuaafe showadi tä nofi nia jaducubodiije —a cuma.

Números 16:40

Täcö fe lä yojoblaleno wejei tänö, Isaeli ebä bufi nia jaducumaboma. Jeobaa nija nofi bäyäalewä lä mlai, Aaloni ebä lä mlai, bä ajedou bashio bädao mlaobä. ¿Ö̦jö tawä? Jeobaa nija täbä wa̦queshi ni cle̦deli lä u̦cucamou täbä dodobou bädao fa bashiojenö, Colei sho, cama ebä nö bluca bleaa lä culaliyono weinaja bä cuaaö dicoo mlaobä. Moisesi nija Jeobaanö Eleasala a taamaö lä bufino weinaja, inaja showawä a cuaama.

Números 17:11

Inaja Moisesi a cuaaö showaoma, Jeobaanö a nowa lä tano weinaja showawä.

Números 17:4

’¿Ö̦jö tawä? —a cuma—. Ö̦jö däjä, iba yano jamö wa defibä nia tablaö, ya wa̦no oni lä didile defi ca lä cule jamö, cafä wamacö nijamö ya cua lä ajedele jamö.

Números 17:9

Ö̦jö däjä, Jeobaa a lä cule jamö defibä lä cuono wei, Moisesinö defibä ca̦i faa co̦layoma. Isaeli ebä mamo bluca mötale ja, defibä mömama. Ö̦jö defibä fa möjenö, bada bänö cama e defibä cadidiwä co̦alalemaje.

Números 20:9

Ö̦jö däjä, Jeobaa a lä cule jamö Moisesinö defi dälema, Jeobaanö a nowa lä tano weinaja showawä.

1 Corintios 10:10

Bämacö ca̦i nacömou mlai. Inaja ai bä cuaaö fa dicoonö, Waicalewä a lä cuinö täbä bluca waicaö showadaoma.

Efesios 5:6

Bä a̦ lä jolemou wei bä lija bä möla dijä. ¿Ö̦jö tawä? Inaja täbä cuaadii yalo, Yai Bada tä nö wa̦lowä lä jushudou wei däjä a nosie fuaö lä mlajei bä lä cui bä nö nia malä bleaamaö wei.

Hebreos 9:4

Ö̦jamö, täbä wa̦queshi ni cle̦deli u̦cucamobä, täbä maqueobä täcö ca̦i cuoma. Täcö lä oloblaleno wejei täcö lä cui. Yai Bada a wa̦no oni didiobä tefi ca ca̦i cuoma, tefi ca ca̦i jödödöwä lä oloblaleno wejei tefi ca lä cui. Ö̦jö tefi ca jamö, manaa bä befi ca̦i didibomaje. Bä lä didiono wei tä ma cui, tä ca̦i sibosi oloblalemaje. Aaloni etefi lä cabudulayono wei tefi ma cui, ö̦jö tefi ca jamö etefi ca̦i didibomaje. Maa macö ca̦i oni, Yai Bada tä a̦ nö wäo däjä, maa macö ja tä a̦ lä oniblamolayono wei macöbä lä cui.

1 Samuel 2:12

Bei. Eli bä ijilubö ecöbä doblonomi dicowä. Jeobaa a nö quili tabönomi.