Números 16:9 - Biblia Yanowamö

⁹ Isaeli bäma ecö nija Jeobaa a lä bufiblamou wei a lä cuinö, ö̦jönö wamacö yailema. Isaeli bluca ebä nija cafä wamacö yailema, wamacö li yai ajedemabobä. ¿Ö̦jö tawä? —a cuma—. Cama e yano jamö wamacö yai ojodamobä wamacö. Jeobaa nija Isaeli ebä bluca dodijidawä cuobä, wama bä bayeliblabä wamacö. “Ö̦jö tä nowa cuami”, ¿wamacö bufi cuu tawä?

Números 16:9 Iomraidhean Croise

Génesis 30:15

Einaja a cuma ma cui, bä amiyobö e fa jushudalunö a wa̦ fama. —Iba wa̦lo a lä cui wa läa waiquilema. ¿Wedi tabä, “Inaja lä waiquiwä”, wa bufi li cuimi? ¿Wedi tä tabä u̦asimi jole jole ecö ja, wa li nacou dicoblaa cule? —Ja̦o —Laquela a cuma—. Ijilufä jole jole ecö nowa ja, fe̦yalofä Jacobo sho, wafäcö yacao fe jalubä, ö̦jö lä —a cuma.

2 Samuel 7:19

’Jeobaa wa Bada lä ayai —David a cuma—. Bluca wale bayeliblaö ma waiquio wei ma cui, “Inaja lä waiquiwä”, bei wa bufi li cuimi. Cafä bä a̦ fuabä ya lä cui, iba wa bä nia obi bayelibou lä nodio wei tä ma cui, ö̦jö wa tä a̦fa bluca ca̦i wäyäö showaoma. ¿Ö̦jö tawä, Bada tä? ¡Jeobaa wa Bada lä ayai! Iba bä nia cuaaö lä nodio wei tä ma cui ja, ö̦jö wa tä ca̦i wawäblamaleyoluma.

Isaías 7:13

Abenaja Isaia e cuma. —Ja̦o. Tä a̦ da ji̦liläje, ö̦jö lä, David nodiwä wama ecö lä cui. Camiyä yanowamö yamalecö modamaö bädao mlai, ¿Yai Bada ya lä bufiblaö wei, wama tä nia ca̦i modamaö mö feduo daanö?

Números 16:13

Ejido tä nö ulifi niji fe lä balojoono wei jamö yamacö bälöoma. Tä nö ulifi ofi lä mlai jamö yamacö ma cuono wei ma cui, ei tä ulifi lä bloque wei jamö yamacö shämobä yamalecö co̦lema. “Inaja waiquiwä”, a bufi cuu mlai ja, bei a shino li nosiemodii bufi doblao dicoo.

Números 16:8

Colei nija abinaja Moisesi a cuu co̦oma. —Bei. Wamale a̦ da ji̦lilä, Lewi nodiwä wama ecö lä cuinö.

Hechos 13:2

Ö̦jö bä lä cui, bä iyaö yabäcou mlaobä, nii bä ja bä wasöolanö Bada tä nija bä nö bayeli nacaodima. Inaja bä cuaaö däjä, cama bä nija Yai Bada a wa̦ Bufi bädaliyoma. Abinaja a cuma. —Benabei, Saulo sho ya cöbö yaia waiquilema. Ya cöbö shömabä jamö cäcöbö ojodamobä, iba cäcöbö da yaimacöje —a cuma.

1 Corintios 4:3

Jesucristo ya wa̦ lä fuaö wei ya lä cui, cafä wamacönö wamale dodijaö ma jimaö däjä ma cui, wamale ca̦i dobloimi ma jimaö däjä ma cui, bämacö a̦ fuaö mlaicätä. Bada täbänö wale a̦fa wayoabeje, täbä ca̦i ma yododaö däjä ma cui, ya nofi nia jaluomi. Yanowamö wamacö a̦ li bädawä. Camiyä ya ma cui, ya wa̦ fabä tä cuami. Ya wa̦fa dodijaö taomi.

1 Samuel 18:23

Inaja showawä David a nowa taö fa ja̦toojenö, abenaja David a cuma. —¿Bada bä tääbö lä däamou wei bä nowa cuami daanö? Wa e däamaö ma bufii wei ma cui, bada tä lija ¿wedi tänö bä tää ya e nowa nia li coamaö? Ya malä fo̦li wei. Camiyä wale nofi mölabobeje yami —David a cuma.