Números 13:8 - Biblia Yanowamö

⁸ Eflaini ebä nija, Nuni bä ijilubö Osea e fa yailönö, ö̦jö a ca̦i nomöjöwä.

Números 13:8 Iomraidhean Croise

Éxodo 24:13

Ö̦jö cudeenö, Josué a fa nacalänö, Yai Bada etä balöcö jamö Moisesi a dua co̦befälöma. Moisesi a bayeliblabä e li Josué cuoma.

Éxodo 32:17

Cäcöbö itou co̦fälöö däjä, Josuénö bä a̦ shi dou fa ji̦lilänö, abinaja a cuma, Moisesi nija. —Bämacö lä bälöle jamö, bä jo̦wa ishou jäa lä cuboquili —a cuma.

Números 11:28

Ö̦jö däjä, Nuni bä ijilubö Josué e lä cui, Moisesi a showadi lä bayeliblano wei, a wa̦ faö nomöjöoma. Moisesinö bä lä yaileno wei bä nijamö a Josué coyocooma. Abinaja a cuma. —Bada tä, Moisesi. Quiji cäcöbö a̦ da wasö —a cuma.

Números 13:16

Tä ulifi bomabeje, Moisesinö bä shömabä bä lä yaialaleno wei, ö̦jö bä a̦fa bluca cuoma. Nuni bä ijilubö Osea a wa̦fa lä cuono wei, Moisesinö Josué a wa̦fa jilaa majöquema.

Números 13:7

Isacala ebä nija José bä ijilubö Icalo e fa yailönö ö̦jö a ca̦i.

Números 13:9

Bejamino ebä nija, Lafu bä ijilubö Badi e fa yailönö, ö̦jö a ca̦i.

Deuteronomio 34:9

Nuni bä ijilubö Josué e lä cui, Jeobaanö a bufi bayeliboma cudeenö, bufi dao a taboma. Ö̦jö nija Moisesi imicö maqueo malä wawädoono wei. Ö̦jö cudeenö Isaeli ebä lä cuinö, dodijidawä Josué a wa̦ juamaje. Jeobaanö Moisesi a nowa lä tano weinaja bä cuaaö cadidioma.

Josué 1:16

Ö̦jö däjä, Lubeni ebä ma cui, Cadö ebä ma cui, Manasesi ebä mashi ma cui, abenaja bä a̦ fuo ja bä cuma, Josué lija. —Yamalecö nowa bluca lä tafe, yama tä taö wä. Yamalecö lä shimaö wei jamö, yamacö fuu wä.