Números 13:22 - Biblia Yanowamö

²² Neque tä ulifi jamö bä fa alufälönö, Eblono tä jamö bä waloa nomöjöquema. Ö̦jamö lä, Anaco nodiwä bä lä yaläjei bä bälöoma, Aimano, Sesai, Damai bä a̦fa lä cule. Eblono tä shabono lä cui, yedu ja tä blao balöoma. Täbä nö badabö jaba lä cuono wei bänö, Ejido jamö Soana tä shabono taö fa balöojenö, lasha 7 a fa famalöjenö, ö̦jö Eblono tä shabono taö nomöjöomaje. Ö̦jö bä yafibö cuo showaoma. Tä ulifi bomabeje ö̦jamö bä fa waloicunö,

Números 13:22 Iomraidhean Croise

2 Samuel 2:11

¿Ö̦jö tawä? Judawä ebä lija, Eblono jamö David a bada läo showalanö, lasha 7 a famalema. Ai a lasha famaö co̦obä a bäshäcublamalema.

2 Samuel 2:1

Saulo a nomaa fa waiquilönö, Davidnö Jeobaa a wa̦lii juoma. —Fei däjä ¿iba Judawä nodiwä ai bä lijamö ya co̦obä tawä? —Awei, wa co̦obä lä —Jeobaa e cuma. Abenaja David a cuu nomöjöoma. —¿Wediteli bä lijamö ya yai fubä? —Eblonoteli bä lijamö —a Jeobaa cuma.

Números 13:33

Anaco nodiwä yama bä ca̦i ö̦jamö dalalema, täbä yaläjäwä ca̦i jaba lä bälöono wei täbä nodiwä. Ö̦jö bä li bada yaläjäwä ayao cudeenö, sequi sequima bä wai mömou wiisibö lä culenaja, yamacö mömou tablamalemaje. ¿Ö̦jö tawä? Inaja camiyä yamacö nofi tamamoma. Cama bä ma cuinö, inaja showawä yamalecö nofi ca̦i tabomaje —bä cuma.

Números 13:17

Canaana tä ulifi bomaö balöobeje, Moisesinö bä shömaö ja, abinaja bä nowa tama. —Neque tä ulifi jamö wamacö fa juläfälönö, tä ulifi lä jefubö wei jamö wamacö fa alufälönö,

Génesis 23:2

Eblono jamö Sara a nomalayoma, Canaana tä ulifi jamö. A nomawä lä tabono wejei jamö bä suwäbö e nomöa yubobä, Ablaamö a lucälayoma. A ö̦cöma.

Génesis 13:18

Inaja Jeobaanö Ablamö a nowa fa tanö, a shu̦lucou showadaoma. A jocäa fa co̦lunö, Eblono jamö a waloquema, Mamle efibä bada lä ublajaono wei jamö. Ö̦jamö a bälöa fa yanöcöicunö, Jeobaa nija bä yalo lä dodoblamou wei bä maqueblamobä etäcö i̦taquema.

Números 13:28

’Ö̦jö ma cui, ö̦jamö bä lä bälöle bä lojode —bä cuma—. Bä shabonobö bada fe balojowä. Ala nabänö bä ji̦coloblawä talei. Abinaja ca̦i. Anaco nodiwä yama bä ca̦i bada dalalema. ¿Ö̦jö tawä?