Números 13:2 - Biblia Yanowamö

² —Canaana tä ulifi jamö, bä shömöa da balölö, Isaeli wama ecö nija ya tä ulifi lä jöböale tä ulifi bomaö balöobeje. Isaeli bä ijilubö 12 ebä nija bä yaiablalou lä nodiaö wei, ö̦jö bä lä cui nija, moli wa bä fa yaialalönö, 12 wa bä nia shömaö. Bada wa bä nia shino yaiablaö, cama ebä ca̦i yai lä cuo wejei —a cuma.

Números 13:2 Iomraidhean Croise

Números 11:16

Abinaja Jeobaa a cuma, Moisesi nija. —Isaeli bada ebä nija, iba 70 wa bä fa yododoblamalönö, eja bä ca̦i da waloiquiyo, wa bä yai nosiemou lä dale. Iba yano jamö wa bä ca̦i fa juimanö, ö̦jö bä sho wamacö nö daobä.

Números 13:16

Tä ulifi bomabeje, Moisesinö bä shömabä bä lä yaialaleno wei, ö̦jö bä a̦fa bluca cuoma. Nuni bä ijilubö Osea a wa̦fa lä cuono wei, Moisesinö Josué a wa̦fa jilaa majöquema.

Números 13:3

Ö̦jö cudeenö, Balana tä ulifi lä blocole jamö culanö, Moisesinö bada bä shömölema, Jeobaanö tä tamaö lä bufino weinaja showawä. Bä lä shömöleno wei, bada bä shino bluca cuoma, Isaeli ebä ca̦i lä bälöono wejei.

Josué 3:12

¿Ö̦jö tawä? Ö̦jö cudeenö, Isaeli bä ijilubö 12 ebä lija wamacö yaiablalou lä nodiaö wei wamacö lija, moli bä nia yaiablamou cuaaö. Moli bä lä yaiamou wei, 12 bä nia cublou.