Números 12:7 - Biblia Yanowamö

⁷ Ö̦jö ma cui, ya nosie juamobä a Moisesi lä cui, inaja ya taamaimi. Ya nabä bluca lä shömaö wei tä ma cui ja, “Ö̦jö showadi a cadidole cätä”, ya nofi yai tabou.

Números 12:7 Iomraidhean Croise

Éxodo 33:11

Inaja showadi tä fa cuonö, Jeobaanö Moisesi a wa̦ wayoblaamama. Bä lä nofimayou wei bä a̦ wawädowä wayomayou lä cuaaö weinaja, inaja showawä Jeobaanö Moisesi a wa̦ wawädowä wayomaö cuaama. Ö̦jö däjä, bä lä bälöle bä nijamö Moisesi a shino jublaadima ma cui, a lä bayeliblano wei a fiya lä cui, Josué a lä cui, ö̦jamö lä bei a showadio juoma. Ö̦jö Josué a lä cui, Nuni bei ijilubö e cuoma.

Mateo 11:11

¿Ö̦jö tawä? Cafä wamacö nija ei ya wa̦ lä cui, bejedi lä ya wa̦. Bluca bä lä bälöblai bä ma cui nija, bä jaba lä bälöjono wei bä ma cui nija, Juan nija a bada fe biyäjäobä a cuami. ¿Ö̦jö tawä? Ö̦jö ma cui, Yai Bada tänö cama ebä ca̦i lä cuo wei bä lä cui, ö̦jö bä nofi shino yai tabobeje cäbä. Ö̦jö bä nijamö a cua lä bäle a ma cui nija Juan a nojablaliyo.

Mateo 11:9

’¿Wedinaja a wa̦lo cuwä wama a yai nia fa mönö, bei wamacö juma, ö̦jö lä? —a cuma—. ¿Yai Bada a wa̦no wäyälewä wama a möö mlaobä daanö? Awei. Ö̦jö wama a möbä lä. Cafä bämacö nowa taö lä cule. Juan a lä cui, Yai Bada a wa̦no wäyälewä ai a bädawä mlai, ö̦jö bei a shino yai bada dodijiwä.

Hechos 7:31

Ö̦jö tä fa dalalönö, tä mömou nö quilijioma yalo, a bufi mlama. Tä möö ajedeobä a blacäö däjä, Bada tä a̦ bädaliyoma.

1 Corintios 4:2

¿Ö̦jö tawä? Täbä lä ojodamou wei bä lä cui, bä dodijidawä ojodamobä bä li shimaöje, bada e a̦ fuabeje.

Deuteronomio 34:5

¿Ö̦jö tawä? Jeobaa a nosie juamobä Moisesi a lä cui, Moaba ebä ulifibö jamö a bufi mlaquema, Jeobaa a lä cuno weinaja showawä.

1 Timoteo 3:15

Ya fuu yabäcäo bädao ja, bufi wedinajamou mlai ja, Yai Bada wa ebä cadidamabä. Jesucristo a nofi mölabouje yalo, Yai Bada a demi cua shi̦ lä wa̦lile, ö̦jö ebä dodijiwä. Ö̦jö a wa̦no cadidibobeje ebä. Etä a̦ shominajablobä jamö bä a̦ läobä, bä bufi lofotomabou. A yafi wäcäblou mlaobä, a yafi lofotobou lä culajeinaja, inaja showawä Yai Bada tänö cama ebä lofote lämabou.

Josué 1:1

Jeobaa a wa̦ fuamobä a Moisesi lä cui, ö̦jö a fa nomalönö, Nuni bä ijilubö Josué e lija, Jeobaa a wa̦ faö nomöjöoma. Moisesi a showadi lä bayeliblano wei a li Josué cuoma. Abenaja Jeobaa a cuma, ö̦jö lija.

Josué 1:2

—Iba ya wa̦ fuamobä a Moisesi lä cui, a mladaliyoma. ¿Ö̦jö tawä? Bei. Cafänö, fei wa bä ca̦i bluca lä cule, Jodana u jamö bä ca̦i da bucadublalu. Isaeli wama ecö lija ya tä ulufi lä jibäale jamö, wa bä ca̦i waloo showadaobä.