Números 12:6 - Biblia Yanowamö

⁶ Cäcöbö fa icuicunö, abinaja a cuma. —Wafäle a̦ da ji̦li. Cafä wamacö nija ya wa̦no wäyälewä a cuo däjä, jai majali etä jamö, ö̦jö nija ya dablamou talei. Ya fa majalimomanö ya wa̦ wayomaö.

Números 12:6 Iomraidhean Croise

Génesis 15:1

Inaja tä cuo waiquiono wei ja, Jeobaanö Ablamö a majalimomalanö, e a̦ bädaliyoma. Abinaja a majali cuma. —Ablamö, a quili dijä. Cafä showadi bäfä lä nowamaö wei cä ya. Bäfä dobäa dodijilei —a cuma.

Génesis 28:12

Ö̦jamö a lä miono wei jamö, duomodima cäcö majali dalalema. Mashita jamö cäcö colo majali i̦taoma. Ola cäcö lä cui, judu mösö jamö cäcö fe ola wädöodayoma. Ö̦jö cäcö jamö, Yai Bada etäbä a̦jele majali juu dalalema. Bä majali ca̦i itoblaama, bä ca̦i dublaama, bä majali cuaama.

Génesis 28:16

Ö̦jö däjä, Jacobo a fa la̦lönö, abinaja a cuma. —“Eja Jeobaa a cule daanö”, ya bufi cuno ma mlai ma cui, ¡a nofi cuo dodijio yaiono wei! —a cuma.

Génesis 37:5

Abinaja tä cublaliyoma. José a fa majalimolunö, bei a̦iyobö ebä nija tä a̦fa wäyäma. Ö̦jö tä a̦fa lä wäyäle tä a̦ fa ji̦liläjenö, a nofi yai wa̦lia dodijilemaje.

Génesis 37:9

Ö̦jö däjä, José a tabimoa fa co̦lunö, bei a̦iyobö ebä nija, a lä tabimolayono wei tä a̦ wäyäö co̦oma. Abinaja bä nowa tama. —Bei. Ya tabimou co̦o ja, abinaja ya tabi cuaama. Motoca a ma cui, belibo a ma cui, shidicali 11 bä ma cui, camiyä nija, ö̦jö bä möfe bluca majali boo lä cufe —a cuma.

Génesis 46:2

Ö̦jamö Yai Badanö Isaeli a wa̦ majali wayomama. —Jacobo, Jacobo. —Aö.

2 Samuel 7:4

Ö̦jö ma cui, ö̦jö tä didi showawä lä cui ja, Nadana lija Jeobaa a wa̦ nö wäoyoluma.

Éxodo 7:1

Moisesi nija abinaja Jeobaa a cuma. —Bei. Camiyä ya nö quili tamou lä culenaja, bada anö wa nö quili taö cuobä, bäfä tablamaö lä cule. Cafä wa wa̦no wäyäö fe dolemobä, a̦iyofä Aaloni a cuo mö feduo wä.

Números 24:4

Yai Bada ya wa̦ ji̦liaö lä cule. Camiyä nija Yai Bada tä shino lojode lä ayainö, jai majali täbä wawädowä dablamaö. Ö̦jö ya lä cuinö, ya tä a̦no wäyäö lä cule.

Mateo 1:20

Ö̦jö ma cui, a nia lä joyaö wei tä ja, a bufi dayäo showao däjä, Bada etä a̦jele majali damolaliyoma. José abinaja a nowa majali tama. —David nodiwä José wa e lä cuinö, suwäböfä María a däaö quilii dicoo dijä. Bä ijilubö e lä didibole, Yai Bada tä Bufinö a li fa dobälönö, a li shöbönabö.

Mateo 2:19

Ö̦jö ma cui, bada tä Elode a nomalayono wei ja, Ejido jamö Bada tänö a̦jele e shömöa fa co̦lunö, José nija a majali wawäa co̦malema. Abinaja e majali cuma.

Mateo 23:31

¿Ö̦jö tawä? Cama wama ecö a̦fa nodiwä jilamou ja, cafä wamacö jömamou waiquiwä. Yai Bada a wa̦no wäyälewä bä lä shäleno wejei bä lä cui, ö̦jö lä wama ecö nodiwä waiquiwä malä cui.

Mateo 23:34

Ö̦jö cudeenö, abinaja ya cuu. Cafä wamacö nija Yai Bada a wa̦no nia lä wäyäö wejei ya bä nia shömaö, bä bufi yai lä jaducui bä ca̦i, wamacö nia lä damaö wejei bä ca̦i. Ö̦jö ya bä nia shömaö ma cui, ai wama bä nia shäö. Ai bä mö feduwä lä cui, fii balitama defi ja wama bä nia basuaö. Ai bä showawä lä cui, judio wamacö yododabä jamö wama bä si ca̦i nia yafelimaö. Wama bä nö bleaamaö yalo, ai bä shabonobö nomöjöwä jamö bä nia docuu ma cuaafälöö däjä ma cui, wama bä nosi nia bou yauafälöö. ’¿Ö̦jö tawä? —a cuma—. Einaja wama bä taamabä ya bä nia shömaö,

Mateo 23:37

Jesús a wa̦ blajawä faö ja, abinaja Jelusaleteli bä nowa tama. —¡Shädayai, Jelusaleteli wamacö! Yai Bada a wa̦no wäyälewä wama bä lä shäö wei wamacö. Cafä wamacö nija Yai Bada tänö bä lä shömaö wei, maa mabänö wama bä lä shäyäö wei wamacö. Cadala bänö bä ijilubö ebä fe yojobou lä cuaaö wejeinaja, inaja showawä cafä showadi bämacö tabou bufi ma doblaono wei ma cui, camiyä nija wamacö nowamamou bufionomi dicowä.

Mateo 27:19

Abinaja Bilado etä ca̦i cublaliyoma. Jesús a jömabä a döcäo waiquio däjä, bä suwäbö e wa̦no wäyäyolumaje. Abinaja Bilado bä suwäbö e jo̦wa cuma. —Miji a lä cui a cadidou. A nö bleaama dijä. Cama a nowa ja, ¡bejedi ya nö majali bleaaö dodijio bä lä cublei! —bä suwäbö e jo̦wa cuma.

Lucas 1:11

Ö̦jö däjä, Bada tänö a̦jele etä fa shömöludunö, Sacalia nija etä wawälayoyoluma. Täbä nö wa̦queshi cle̦deli lä u̦cucamou wei täbä maqueobä defi ola jamö, a ublaa ajedequema.

Lucas 1:22

Ya̦cumö a faa fa co̦lunö, a wa̦ faö mlai ja, bei imicö juablalou cuaama. Bei imicönö bä lä yömölano wei ebä bufi fa möblalunö, “Yai Bada etä yafi u̦eshi jamö, ¡a̦jele a nofi wawäa yailayodayoma!”, bä bufi cudaliyoma.

Lucas 20:6

Ö̦jö ma cui, “Yanowamö täbä nija a shömamoma”, bämacö cuu dicoo ja, ei täbä bluca lä ublale bä nia jushudou. Maa ma bänö bämalecö nia shäyäöje. “Yai Bada a wa̦no wäyälewä Juan a cuoma”, bä cuu malä shalilio wei —bä nowa tayoma.

Hechos 10:11

Tä fa mödalönö, judu mösö ca jolaa dalalema. Ö̦jamö lä, jai acadafu sicö bada cuwä, tä itolayoma. Sicö casö jududuoma. Sicö fa itoimadunö, mashita jamö sicö blaaliyoma.

Hechos 10:17

Bei. Cama nija tä lä wawälayono wei tä ja, Pedro a bufi wedinajamou showao däjä, Conelionö bä lä shömöleno wei bä waloquema. Bä fa waloicunö, bei yoca sibo jamö bä ublaqueyoluma. Simón e yafi wa̦liadalaö fa cuaaimadujenö, bä waloa cadidibeyoluma.

Efesios 4:11

Täbä jo̦wa yanowamö lä dobädayono wei, abenaja täbä jo̦wa taamama. Jesucristo a wa̦no wäyäö cuaabeje, ai bä shimama. Jesús ebä yododabä jamö etä a̦ wäyäbeje, ai bä dobäma, bä a̦ nö wa̦lojabä. Mojodi täbä lija Jesucristo etä a̦ dodijidawä wäyäö cuaabeje, ai bä dobäö mö feduoma. Cama ebä ca̦i yododabeje, ebä ca̦i damabeje, ai bä ca̦i dobäö mö feduo showaoma.

Deuteronomio 18:15

’Jeobaa a wa̦no wäyäbä, camiyä wale shömaö lä cuaano weinaja, cafä Isaeli wama ecö nodiwä nija, ai a nia shömaö cuo nomöjöo —a cuma—. Ö̦jönö wamacö yömölaö däjä, wama a wa̦ shino yai ji̦liabä.

Hebreos 1:1

Yedu ja, Yai Bada a wa̦no wäyämamoma, camiyä judio bämacö nö badabö lija. Cama a wa̦no wäyälewä bä blucanö, a wa̦no wäyäö cuaamaje.

Apocalipsis 11:10

Cäcöbö shälei ja, bita jamö täbä lä bälöblai bä bufi nia bluca doblalou. Bä shi nia jaliblalou. Bä nia dobäyou. Yai Bada a wa̦no wäyälewä cäcöbö lä cuinö, bä nö bleaamaböma cudeenö bä bufi nia yai doblalou.

Apocalipsis 11:3

Camiyä wale a̦fa wäyädiböbä ya cöbä nia lämabou. Ya cöbä nö nia wa̦lojomabou. Täbä nö wajäwä ö̦jöböamobä, camishi a̦loqui cäcö ö̦shö lä ya̦bou wejei cäcö ja cäcöbö didilanö, belibo 42 a lublou showaa mlai ja wale wa̦no nia taböö —a cuma.

1 Samuel 3:15

Ö̦jamö Samuel a bladio fe jaluu showaoma. Tä mö jalublou däjä, Jeobaa etä yano jamö, yoca caloblaö fenablalayoma. Jeobaa a lä wawälayono wei, Eli lija tä a̦ wäaö quilima.

1 Samuel 3:21

¿Ö̦jö tawä? Silo jamö Jeobaa a wawäö co̦oma. Ö̦jamö Samuel lija a wa̦fa wäyämou ja, a Jeobaa malä dablamono wei.